影片
更多
2022-07-31
37 浏览
闺蜜心心念念『乐』嘅海胆杯，终于夹到时间一齐去试，店员先送上清热消腻嘅小青柠花旗参茶两个人叫咗一个套餐，经开饭订位套餐有8折，额外加咗$150换成全只活龙虾（呢部份无折），另加咗一个小食，小食散叫都系无折嘅。十八层海胆杯Omakase (一人前）$1388套餐包括： 小钵、沙律 、主打菜式、海鲜、肉类、食事、吸物、甘味。先来前菜同埋沙律，薯蓉混有粟米粒同埋青瓜，上面放咗一啲明太子酱，份外醒胃。白色系清甜嘅沙葛，伴随柚子皮/柠檬皮腌渍，清新清甜又爽口。樱花虾玉子烧，咬开上层就见到樱花虾，味道特别香。群边爽脆嘅日本生蚝，就咁食肥美又鲜甜，连埋红色嘅梅酱同葱粒一齐食，又系另一种味道。系我哋今次嚟嘅目标，主打菜式系18层海胆杯非常吸睛，唔同嘅食材层层叠构图同颜色都好靓，狂影一轮之后，开始品尝先把海胆同鱼籽放喺白饭鱼干上面，甘美丰腴嘅海胆同带住咸香嘅鱼籽夹埋脆口嘅白饭鱼干，口感同味道非常之好，店员教我哋将其余食材倒出嚟放喺碟上面捞匀嚟食，各种鲜香、不同口感，冲击味蕾 。好食呀！煮海鲜系活龙虾一只，师傅将龙虾放响铁板上处理，拆肉然后分开两份，用唔同方法煮。 一份系用海胆酱 加黑椒碎爆炒之后，放返落
闺蜜心心念念『乐』嘅海胆杯，终于夹到时间一齐去试，
店员先送上清热消腻嘅小青柠花旗参茶两个人叫咗一个套餐，
经开饭订位套餐有8折，
额外加咗$150换成全只活龙虾（呢部份无折），
另加咗一个小食，小食散叫都系无折嘅。
十八层海胆杯Omakase (一人前）$1388套餐包括： 小钵、沙律 、主打菜式、海鲜、肉类、食事、吸物、甘味。
先来前菜同埋沙律，薯蓉混有粟米粒同埋青瓜，
上面放咗一啲明太子酱，
份外醒胃。
白色系清甜嘅沙葛，
伴随柚子皮/柠檬皮腌渍，
清新清甜又爽口。
樱花虾玉子烧，咬开上层就见到樱花虾，味道特别香。
群边爽脆嘅日本生蚝，就咁食肥美又鲜甜，
连埋红色嘅梅酱同葱粒一齐食，
又系另一种味道。
系我哋今次嚟嘅目标，主打菜式系18层海胆杯非常吸睛，唔同嘅食材层层叠构图同颜色都好靓，
狂影一轮之后，
开始品尝先把海胆同鱼籽放喺白饭鱼干上面，
甘美丰腴嘅海胆同带住咸香嘅鱼籽夹埋脆口嘅白饭鱼干，口感同味道非常之好，
店员教我哋将其余食材倒出嚟放喺碟上面捞匀嚟食，
各种鲜香、不同口感，冲击味蕾 。好食呀！
煮海鲜系活龙虾一只，师傅将龙虾放响铁板上处理，
拆肉然后分开两份，用唔同方法煮。
一份系用海胆酱 加黑椒碎爆炒之后，放返落龙虾壳内，铺满芝士后再用火烧，
芝士香味带住一点黑椒嘅小小辣味，
开胃 又有提鲜 。
另外一份用海胆酱同埋龙虾头嘅膏嚟煮，哗！好香又惹味，龙虾肉爽身鲜甜，
食到停唔到口。
时令贝类系蛏子皇，肉拎出嚟 炒熟放回壳内，
再洒满樱花虾同烟肉 ，
爽口鲜甜又惹味。
时令海鲜系脆皮煎鳗鱼，见师傅用一个重物压住鳗鱼喺铁板上面煎 ，
令到鳗鱼皮好脆而鱼肉又油润软滑 。
跟住到肉类，牡丹虾放咗明太子酱同埋海胆酱用黑豚肉包住嚟煎，一啖咬落去肉香夹杂住虾嘅鲜味充斥口腔，
点埋碟上面嘅黑醋酱汁，更加好味。
吸物系用耐高温嘅胶袋喺铁板上面煮返滚里面嘅汤，汤带有冬菇嘅香味又有海鲜嘅清甜，同埋真系有花胶架 。
烧野菜有莲藕、南瓜、珍珠荀、芦笋、茄子、紫薯夹棉花糖、仲有装饰成金车厘子嘅小蕃茄，好可爱唷。
新鲜蔬菜各有所爱，闺蜜最钟意紫薯夹棉花糖。
火焰甲罗烧系散叫嘅， 里面有三文鱼籽、鲜甜蟹肉、蟹膏、紫洋葱粒，
面头仲有海胆加鱼子，又系吸睛之作，
对于钟意食海胆同蟹肉嘅我嚟讲，
实在系心满意足啊。
火焰甲罗烧
$298
0 浏览
0 赞好
0 留言
跟住食肆创作时令主食就系炒饭，师傅将蛋打入饭中捞匀然后喺铁板上面翻炒，
然后将旁边切得幼细嘅椰菜花捞埋一齐炒，
最后仲加埋一只兰王荷包蛋响饭面，
听讲呢只蛋系可以生食嘅，
捞饭食满有蛋香，成碗食晒，好满足。
甘味系烧冲绳菠萝，我哋已经好饱啦，食件菠萝有助消化 。
仲有一个自家制海胆雪糕 ，见佢表面有晶莹颗粒，
以为系沙糖，原来系爆炸糖，
连埋紫苏一齐食清新又特别。
好满足嘅一餐。
张贴
