莆田

营业中

休息中

【中西区】【莆田】一直都好想试呢间新加坡嘅福建菜，见佢哋推出咗 「$219 两道蛏子菜式」，咁正就梗系带埋膻卤狮去试。呢间餐厅本身就好出名蛏子嘅菜式，系必试嘅，出咗呢个优惠之后就更加一定要叫。我哋就试咗「蒜蓉蒸海蛏」同「椒盐哆头蛏」，两者都好食。前者系似蒸鱼𠮶只食法咁样叹啲蛏子，后者就特别在竟然系椒盐炸，配埋茶树菇，好特别，都好好食。跟住试 $78 嘅「百秒黄花鱼」，用一百秒时间煮嘅黄花鱼，真系劲滑。而 $118 嘅「铁锅包菜饭」同 $98 嘅「妈祖平安面」各有特色，味道浓而不腻。试埋 $88 嘅「红毛榴莲汁」，果香几够几好饮，我都系第一次接触呢种生果，饮落佢有啲似石榴嘅味。埋单价连埋加一就 $661.1，打开 Storellet app 嘅会员页面有「莆田会员优惠」，午市用佢哋嘅 $20 现金券就平啲啦，晚市食嘅话仲去到 $50 现金券添㖞。唔止咁样，佢哋仲有个印花卡活动，每食一个蛏子菜式有一个印花，储六个印花可以换一张优惠券。呢张会系一张「送一个蛏子菜品」优惠券，即系买六送一，正呀喂。而印花卡嘅收集印花时期系 15/4 到 15/6，印花卡嘅有效期就去到 31/7，实够时间处理啦。