影片
更多
2023-05-02
2020 浏览
【九龙城区】【满堂乐沪京风味】最近虽然我啲 post 嘅 like 数大幅度回落，不过学习紧唔咁紧张呢啲嘢，反而更加要大力啲咬紧牙关去食啲好嘢回餽返仲喺度支持紧我嘅读者。「士为知己者死」(豫让, 唔知几时) 吖嘛，唔欣赏自己𠮶啲耐唔时揶揄吓就得，唔使太上心。1am红馆系列点都要继续做嘅，不过愈做愈多就愈做愈起劲，基本上红馆脚程四个字之内嘅餐厅我都会想写。跟住一睇，原来都几多选择，尖东𠮶边就比较似游客区，啲嘢靓啲咁。但系红磡呢边其实唔止平，嘢食选择都好多，例如呢间满堂乐。我第一次去食咗个「咸豆浆」，$13 嘅价钱，唔算贵，质素正常，唔系特别好。然后用 $20 要五只「炸云呑」，只能够讲系 okay，一个人食有啲吃力，油吖嘛。之后叫咗块「猪扒」，$16，呢样都算唔错，不过硬系觉得唔系我嘅心水。不过我其实见佢劲多人喺度食，唔系次次都有位，冇理由啲嘢只系属于麻麻、普通、一般咁嘅级别架㖞。间嘢系 keep 住有堂食嘅客出出入入，同埋外卖单都几多，长期都有几个人喺度等嘢食咁。于是我偷听吓其他客人食乜，第二次再去。第二次去首先就叫咗个「油豆腐粉丝汤」，其实我就唔知咩嚟嘅，系见都唔少客人叫，所以我又叫
1am红馆系列点都要继续做嘅，不过愈做愈多就愈做愈起劲，基本上红馆脚程四个字之内嘅餐厅我都会想写。跟住一睇，原来都几多选择，尖东𠮶边就比较似游客区，啲嘢靓啲咁。但系红磡呢边其实唔止平，嘢食选择都好多，例如呢间满堂乐。
我第一次去食咗个「咸豆浆」，$13 嘅价钱，唔算贵，质素正常，唔系特别好。然后用 $20 要五只「炸云呑」，只能够讲系 okay，一个人食有啲吃力，油吖嘛。之后叫咗块「猪扒」，$16，呢样都算唔错，不过硬系觉得唔系我嘅心水。
不过我其实见佢劲多人喺度食，唔系次次都有位，冇理由啲嘢只系属于麻麻、普通、一般咁嘅级别架㖞。间嘢系 keep 住有堂食嘅客出出入入，同埋外卖单都几多，长期都有几个人喺度等嘢食咁。于是我偷听吓其他客人食乜，第二次再去。
第二次去首先就叫咗个「油豆腐粉丝汤」，其实我就唔知咩嚟嘅，系见都唔少客人叫，所以我又叫嚟高兴吓。原来系豆腐卜同粉丝加啲菜咁，咁样加埋 $33 睇落系贵，但系一食落去，哗，好好食，清得嚟，各种食材嘅味道都发挥到，好好食！
食食吓觉得如果我系素食者，我会更加中意，冇肉嘅嘢都好食系难。不过我毕竟系一个杂食者，而且系唔算细食嘅杂食者，所以用 $35 叫多碗「韮菜饺」、「津白饺」双拼净食，好好味，果然抄其他人系冇错，津白饺当时仲要卖到剩返三只咋。
今次我系饮咗两杯「冻豆浆」向 @missding_kitchen 话事人 Miss Ding 致敬嘅，豆浆虽然唔系人人都适合饮，但系佢本身就好具营养价值，而且清甜解渴，每杯 $5 确系抵。不过听讲佢呢度 signature 嘢系「粢饭」，我就一直都食唔到，比较可惜。。。
（地址：红磡明安街 4 号地舖）
#1amfoodie #foodie #hkfoodie #thatfoodiething #hkfood #food #1ambackup #1am0513 #foodies #tasty #globaleats #tastyfood #foodpics #followforfollowback #love #eat #1am九龙城区 #红磡 #1am红馆 #满堂乐沪京风味 #满堂乐 #上海菜 #咸豆浆 #猪扒 #炸云呑 #韮菜饺 #津白饺 #油豆腐粉丝汤 #豆浆 #粢饭
94 浏览
1 赞好
0 留言
张贴
