影片
更多
2023-07-27
24 浏览
【元朗区】【天龙咖喱】今次同道歉哥入到嚟元朗食嘢，因为我听讲呢间啲咖喱唔错，睇过其他 foodie 朋友仔写过都话佢几好。不过我自己本身唔系太食得辣，所以先至揾埋道歉哥嚟帮手试。间嘢唔算难揾，其实喺大家熟悉嘅又新街一直行到尾就系。去到就梗系叫咖喱嚟食，谂谂吓都系要咗 $112 嘅「金牌牛魔王咖喱牛大四囍饭」，佢有牛腩、牛筋、滑牛同一整块牛脷喺咖喱入面，加埋啲薯仔，好味。小食我要份 $68 嘅「孜然羊架」，哗，烧得劲好食，我几推荐呢个。饮品方面我就加 $10 饮「话梅可乐」，可乐里面加咗话梅味几得意。而道歉哥就食 $68 嘅「咖喱三黄鸡饭」，首先一上碟就见到系劲大份嘅，差唔多放咗成半只鸡，劲夸张。而本身咖喱同鸡都系绝配，加埋薯仔成件事都唔错。道歉哥要 $42 嘅「天龙鸡皮卷」做小食同加 $5 饮「可乐」，所谓鸡皮卷即系鸡腿卷，好味。夹埋 $305 唔过份，我差啲唔记得讲我𠮶份餐除咗跟「白饭」，仲有跟两块「油酥饼」，点咖喱食真系好滋味，不枉我咁远入嚟试佢。。。（地址：元朗合益路17-53号合益中心地下23号舖）@curryten_
去到就梗系叫咖喱嚟食，谂谂吓都系要咗 $112 嘅「金牌牛魔王咖喱牛大四囍饭」，佢有牛腩、牛筋、滑牛同一整块牛脷喺咖喱入面，加埋啲薯仔，好味。小食我要份 $68 嘅「孜然羊架」，哗，烧得劲好食，我几推荐呢个。
饮品方面我就加 $10 饮「话梅可乐」，可乐里面加咗话梅味几得意。而道歉哥就食 $68 嘅「咖喱三黄鸡饭」，首先一上碟就见到系劲大份嘅，差唔多放咗成半只鸡，劲夸张。而本身咖喱同鸡都系绝配，加埋薯仔成件事都唔错。
道歉哥要 $42 嘅「天龙鸡皮卷」做小食同加 $5 饮「可乐」，所谓鸡皮卷即系鸡腿卷，好味。夹埋 $305 唔过份，我差啲唔记得讲我𠮶份餐除咗跟「白饭」，仲有跟两块「油酥饼」，点咖喱食真系好滋味，不枉我咁远入嚟试佢。。。
（地址：元朗合益路17-53号合益中心地下23号舖）
@curryten_
张贴
