好煮意

营业中

休息中

【北区】【好煮意】每次当有人问我上水有咩好食，我都念念不忘呢间「好煮意」嘅药膳鸡煲，因为真系好正。我喺开呢个 foodie account 初期已经讲过佢哋，我 2020 年嘅 26/5 开 account，到 14/6 就已经出文。听讲佢哋近年喺马会道开咗间食米线嘅，就同真正哥去试。我点都试 $55 嘅「招牌药膳醉鸡面」，呢碗应该就系佢哋嘅招牌菜，以前一向做开药膳鸡煲嘅汤底都咁出色，呢碗米线绝对难唔到佢哋。个米线底亦都唔差，唔会太腍或者太硬。嘢饮我跟餐加 $10 试「热菊花姜蜜」，都好好饮，菊花味同姜味都出，唔错。真正哥就试喺 menu 同样被推介嘅「新加坡喇沙汤面」，佢个价钱系 $25 有啲奇怪，原来系好似车仔面咁逐个𩠌计钱。配咗油面底，加埋 $6 嘅「支竹」、$10 嘅「鱼肉春卷皇」同 $9 嘅「秘制腩肉」，我都食咗少少，觉得叻沙汤底唔错，系诚意之作。而佢碗嘢嘅其他配料都几丰富，配合埋个油面底都夹，唔比啲星马菜嘅叻沙差好多。佢都有加 $10 转跟餐饮品，佢饮「冻菠萝青柠蜜」，都见佢饮得又快又兴奋，应该都唔错。咁样夹埋先食咗 $125，咁嘅质素嚟讲好抵，唔怪得见佢哋堂食同外卖都好多