楓林小館

营业中

休息中

🇭🇰味道唔错，份量又够多，座位阔落环境又清静，啱晒悠闲倾偈食饱饱。🌗椒盐鲜鱿（小） $118细份得黎都几大份😆，鱿鱼偏薄偏软但亦见弹牙，外层粉浆蓬松，与鲜鱿厚薄不成比例，另椒盐味不足，重口味啲会更好。🌗红烧乳鸽 $78乳鸽都几大只，每人¼只已经够，皮薄肉厚但唔够嫩滑多汁。🌖鲜果脆皮黑豚肉 $148其实即㡳咕噜肉😆，黑豚肉肉质嫩滑，外层香脆薄粉，肥瘦度刚好，唔会一忽柴皮一忽肥膏；酱汁甜酸味适中，唔会太酸太刺激👍🏻。🌖榄角冰梅骨 $158冰梅骨甜甜酸酸够晒开胃，味道清新酸味温和；榄角嘅味道唔突出，可能已经同甜酸融为一体，份量好多食极都仲有。🌗鱼汤花甲浸胜瓜 $118花甲数量够晒多，而且全部都系新鲜开晒口，清洁都做得好好，一粒沙都无；花甲同胜瓜都够味，可惜鱼汤太咸，唔可以当汤咁饮。🌗芝士汁中虾煎脆米粉 $188中虾新鲜弹牙；米粉虽然都脆脆地，但有少少黐牙，每人分到两片脆米粉，加埋芝士汁食实在好够饱。