影片
更多
2024-11-27
398 浏览
今日嚟到airside想揾啲好嘢食，见到呢间拉面店写住系横滨家系，而且环境几舒服，啲位够晒阔落，我哋就入去试吓。「家系」拉面以关东为中心，一开始嘅开山祖师系1974年于横滨杉田开业、1999年迁移至横滨站嘅「吉村家」。佢嘅主要概念系将九州的豚骨汤头同东京的酱油汤头混合，所以「家系」嘅最大特征便是豚骨酱油汤头，又会使用偏粗的直面条、海苔、叉烧肉及波菜等。当然「家系」拉面慢慢开始有咗唔同嘅分支，町田商店都系其中之中一。横浜终极MAX拉面 （粗面、＋辣大葱、＋蒜蓉）（$118＋$15＋$10)呢个终极Max嘅拉面特别在佢嘅配料特别齐全，溏心蛋鹌、鹑蛋、菠菜、紫菜等等，而且份量会比一般嘅拉面更加多，例如叉烧会有3大块；紫菜亦大概有三至四块左右。家系另外一个特色系可以调节味道嘅强度，所以小编亦都另外加咗辣大葱同蒜蓉。先讲佢嘅汤头，由猪骨和鸡骨熬制，质地厚实，味道醇厚，猪骨味浓郁，加上秘制酱油，为汤底增添咸香嘅味道。成个汤底比我嘅感觉系好浓郁同浓厚，而且唔会过咸，系几有特色。另外加上咗蒜蓉同辣大葱胃汤底增添咗一种辛辣感，尤其是辣大葱喺其他舖头比较少见。除咗佢可以帮汤底增加香辣嘅感觉，大葱本身都系偏
今日嚟到airside想揾啲好嘢食，见到呢间拉面店写住系横滨家系，而且环境几舒服，啲位够晒阔落，我哋就入去试吓。
「家系」拉面以关东为中心，一开始嘅开山祖师系1974年于横滨杉田开业、1999年迁移至横滨站嘅「吉村家」。佢嘅主要概念系将九州的豚骨汤头同东京的酱油汤头混合，所以「家系」嘅最大特征便是豚骨酱油汤头，又会使用偏粗的直面条、海苔、叉烧肉及波菜等。当然「家系」拉面慢慢开始有咗唔同嘅分支，町田商店都系其中之中一。
横浜终极MAX拉面 （粗面、＋辣大葱、＋蒜蓉）（$118＋$15＋$10)
呢个终极Max嘅拉面特别在佢嘅配料特别齐全，溏心蛋鹌、鹑蛋、菠菜、紫菜等等，而且份量会比一般嘅拉面更加多，例如叉烧会有3大块；紫菜亦大概有三至四块左右。家系另外一个特色系可以调节味道嘅强度，所以小编亦都另外加咗辣大葱同蒜蓉。
先讲佢嘅汤头，由猪骨和鸡骨熬制，质地厚实，味道醇厚，猪骨味浓郁，加上秘制酱油，为汤底增添咸香嘅味道。成个汤底比我嘅感觉系好浓郁同浓厚，而且唔会过咸，系几有特色。另外加上咗蒜蓉同辣大葱胃汤底增添咗一种辛辣感，尤其是辣大葱喺其他舖头比较少见。除咗佢可以帮汤底增加香辣嘅感觉，大葱本身都系偏生嘅，所以自带一种植物嘅辛辣感，食到嘅时候可以解腻，非常推荐。
至于其他配料，印象最深刻嘅系佢哋嘅叉烧肥瘦相间，瘦肉亦都煮得非常软腍。咬落去嘅时候感受到油香同肉香。另外佢哋嘅菠菜亦系神来之笔，本身汤头比较浓郁，加埋菠菜除咗提供口感，仲有一种清爽嘅感觉，钟意菠菜嘅朋友不妨可以加多啲。比较失望嘅系鹌鹑蛋，可能呢样食材本来冇乜发挥空间，所以火候同调味上都冇乜特别。
面质方面，小编拣咗比较经典嘅自家制粗面，据说用咗唔同嘅小麦同面粉制成，食落去麦香唔算特别明显，但口感弹牙，挂汤力亦唔错。
味道：8.2/10
极品叉烧拉面 （幼面、＋辣猪肉、＋麻辣炸弹＋牛油）（$158＋$25＋$10＋$10)
如果好钟意食呢度嘅叉烧就不妨可以叫呢一款拉面定价相对会比较高，但叉烧嘅份量够晒满足，一共有五大块，而且快快品质一样高可以享受叉烧自由嘅感觉。
其他嘅嘢大致上同头先𠮶个差唔多，所以我哋就特别讲吓佢其他嘅配料。小编不嬲都唔明点解要喺拉面度加牛油，但试过同行朋友嘅汤之后，发觉汤底确实更加醇厚油润，而且多咗种牛油嘅香味，呢个天气食就啱晒。另外呢位朋友佢特别钟意食辣，所以加咗辣猪肉同麻辣炸弹。辣猪肉系一个经调味嘅猪肉碎球，而麻辣炸弹系一笃辣酱嚟嘅。佢哋嘅作用都差唔多，可以令汤底更加惹味，有一种香辣嘅感觉。但相较之下同行朋友就钟意辣猪肉比较多，因为麻辣炸弹嘅「麻」其实感觉唔大，相反辣猪肉除咗提供香辣嘅味道，猪肉亦都可以令个汤底更加香浓。所以小编一试同行朋友嘅汤底嘅时候，确实有惊艳到因为佢嘅汤底系比较惹味同埋浓郁嘅。
味道：8.3/10
章鱼小丸子（$48）
见到呢样小食，确实有啲意外。本身以为佢会好关东风格，点知嚟咗关西嘅食物。不过美食就无边界嘅，即管试吓。小丸子一共有六粒，每粒都几饱满，而且热辣辣上面嘅木鱼丝仲系郁吓郁吓。食落口嘅味道就唔算特别惊艳，但都冇偷工减料，胜在够热辣辣。
P.S. 小编知道家系嘅另一特色系要食完面再捞饭食，但小编同朋友真系食唔落了。
抵食：7.7/10
服务：7.7/10
环境：8.2/10
#hk #hongkong #hkig #hkfoodie #hkfood #hkeat #香港美食 #食评 #香港食评 #香港生活 #小红书 #香港必食 #启德 #启德美食 # airside #拉面 #ramen #noodle #日本 #日本菜 #ラーメンインスタグラマー #ラーメン倶楽部 #ramen #ラーメン #ラーメン部 #豚骨 #醤油 #叉焼 #家系ラーメン #横浜家系ラーメン #家系 #横浜家系 #吉村家 #横浜 #豚骨醤油ベース #太いストレート麺 #町田商店
张贴
