影片
更多
2024-10-01
130 浏览
久唔久都会喺IG 碌到$68 有得食A5和牛同梦王蛋嘅Post，搞到小编都心郁郁想试 @cheukminpo 。不过后来发现佢有两间舖，新蒲岗𠮶间系食传统粉面多，太子先有梦王蛋系列，大家记得按返自己喜好去唔同舖头喇。梦王和牛丼 $68呢个丼饭明显系卖高质原材料，鹿儿岛直送嘅A5和牛、来自日本神户兵库县，2021年获得日本人年度公投刺身蛋拌饭第一名嘅梦王，两个夹埋简直系梦幻组合。A5和牛近七成熟，保留少少生度，呈微微粉红色。梦王蛋黄饱满，鲜橙红色非常吸引。正因为原材料咁高质，所以烹调方法都比较简单，和牛冇乜调味咁制，梦王亦可生食（或者温泉蛋、半熟蛋等等），所以佢会俾兜秘制酱油你自行调味。入口有酱油咸香，然后有梦王浓郁嘅蛋味，最后会食到和牛嘅油香。当然，咁嘅价钱，佢份量唔算好多，比想像中细碗，牛肉大概四至五片，但呢个价真系冇乜投诉。 唯独小编觉得如果佢可以用返珍珠米嘅话，会更加有日本嘅风味。味道：8.2/10鲍汁冬菇花胶锅 $68汤底几浓郁，钟意食辣嘅观众可以加少少麻辣油，更香更惹味。花胶份量都好足，有四块，对得住呢个价钱，又够爽口。而冬菇就大大片，成块冬菇扒咁，又够入味，钟意食冬菇一定好
久唔久都会喺IG 碌到$68 有得食A5和牛同梦王蛋嘅Post，搞到小编都心郁郁想试 @cheukminpo 。不过后来发现佢有两间舖，新蒲岗𠮶间系食传统粉面多，太子先有梦王蛋系列，大家记得按返自己喜好去唔同舖头喇。
梦王和牛丼 $68
呢个丼饭明显系卖高质原材料，鹿儿岛直送嘅A5和牛、来自日本神户兵库县，2021年获得日本人年度公投刺身蛋拌饭第一名嘅梦王，两个夹埋简直系梦幻组合。A5和牛近七成熟，保留少少生度，呈微微粉红色。梦王蛋黄饱满，鲜橙红色非常吸引。正因为原材料咁高质，所以烹调方法都比较简单，和牛冇乜调味咁制，梦王亦可生食（或者温泉蛋、半熟蛋等等），所以佢会俾兜秘制酱油你自行调味。入口有酱油咸香，然后有梦王浓郁嘅蛋味，最后会食到和牛嘅油香。当然，咁嘅价钱，佢份量唔算好多，比想像中细碗，牛肉大概四至五片，但呢个价真系冇乜投诉。 唯独小编觉得如果佢可以用返珍珠米嘅话，会更加有日本嘅风味。
味道：8.2/10
鲍汁冬菇花胶锅 $68
汤底几浓郁，钟意食辣嘅观众可以加少少麻辣油，更香更惹味。花胶份量都好足，有四块，对得住呢个价钱，又够爽口。而冬菇就大大片，成块冬菇扒咁，又够入味，钟意食冬菇一定好满足。
味道：8/10
蚬蚧鲮鱼球＋脆炸鲜奶卷 （各三件）$42
可能因为蚬蚧唔系个个都接受到，所以蚬蚧鲮鱼球都越来越少见。 当小编喺餐牌见到嘅时候，就心谂一定要嗌。蚬蚧系一种岭南嘅独特酱料，有非常独特嘅咸香味。呢间做到佢应该要有嘅咸香，而且亦都带着一种发酵嘅味道。佢嘅鲮鱼球的外观金黄酥脆，每一啖咬落去，可以感受到鱼肉嘅味道同弹牙。特制嘅酱汁更系为整道菜增添咗风味。 小编推荐可以加少少辣油，更加惹味。
炸鲜奶外表金黄酥脆，内里系细腻滑顺的鲜奶内馅。每一口都像是品尝到浓郁的奶香，搭配上炼奶， 双重奶香，非常满足。
味道：8.2/10
冻奶茶（＋$10）
茶底嘅味道比较涩，茶香唔算好突出，味道一般般。
味道：7.3/10
冻清心火（＋$10）
呢度有自家制嘅凉茶，每日都会有唔同嘅款式提供，今日系清心火。味道清甜解渴，唔会太甜腻，清凉解毒，饮得出钱足料。
味道：7.8/10
环境：7.8/10
服务：7.8/10
抵食：8.2/10
竹面谱 (太子)
太子荔枝角道68号地舖
#香港 #hk #hkig #hkfoodie #hkfood #hkeat #香港美食 #食评 #香港食评 #香港生活 #小红书 #香港必食 #旺角美食 #旺角 #太子 #太子美食 #日式料理 #和牛 #梦王 #日本 #花胶 #面 #小食 #mokkok #princeedward #japan #japanese #wagyu #noodle #eggs
张贴
