和宴

营业中

休息中

呢间烧肉餐厅我来过好几次，每次都无失望。前几日同朋友又来左次，叫左佢地嘅烧肉套餐，份量刚好，而且食材都好新鲜。特制宫崎和牛他他配法包入口就感受到个份油香，肉质嫩滑，配埋脆脆嘅法包，层次感满满。韩式海鲜煎饼煎得好香脆，而且唔会太油腻，海鲜馅料都相当新鲜。迷你沙律口感好清新，够爽口。来到主角嘅部份，宫崎和牛薄切牛板腱寿喜烧风配日本蛋，牛肉够薄切，代呢埋生鸡蛋，入口真系超滑，正呀！薄切牛舌芯配盐葱汁粉量适中，肉质好弹牙，盐葱汁提升左成个牛舌芯嘅滋味。宫崎和牛上牛排肉入口软嫩，完全无肥膏嘅油腻感。至于澳洲和牛特上牛肩肉眼，肉味比较浓郁，适合钟意食重口味牛肉嘅你～猪肉方面，我地拣左鹿儿岛豚五花肉，烧完之后带少许油脂香，口感几好。仲有海老拼原只帆立贝，帆立贝好鲜甜，虾都烧得岩岩好，唔会过火。最后黑糖珍珠雪糕同迷你盛冈冷面，一个甜一个清，圆满左呢一餐。仲饮左柚子蜜梳打同波子汽水，饮品放main算系清新解腻。呢度嘅烧肉真系值得一试，食材质素高，环境舒适。不论系同朋友gathering定庆祝生日都好推介比大家。