影片
港铁尖沙咀/尖東站 A1 出口, 步行约6分钟
继续阅读
电话号码
34283345
开饭介绍
「和宴」為全港第一間日式燒肉店，一直供應上等的日本和牛及海鮮，亦有沙津及其他熱葷以供選擇。明火烤爐配置良好的抽氣系統，日式座位提供舒適雅致的環境，把一流的日本食物和地道的氣氛帶到香港。
继续阅读
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
*午市：中午12時至下午3時 (最後下單時間為下午2:30）
晚市：下午6時至11時（最後下單時間為下午10:30）
以上资料只供参考，请与餐厅确认详情
-
网上订座服务暂停
相关文章
位於尖沙咀海港城的後街餐廳曾獲兩屆米芝蓮推介以優惠價498就能享用日本宮崎牛🐂的十三品盛宴🎎當中包括連奪四屆日本和牛界的冠軍🏆 - 宮崎牛、海鮮及甜品牛魔王不要錯過啊😈Appetizer🐂特製宮崎和牛他他配法包口感嫩滑 沒有半點腥味🥗迷你沙律🐂宮崎和牛薄切牛板腱（壽喜燒風）牛板腱視為和牛中珍貴的部分店員更席前代燒👩🏻🍳確保顧客能享用到最佳品質和口感的和牛🐂和牛與蛋黃漿完美結合🥚入口香滑細嫩 油香滿溢🤤齒頰留香 十分推薦🌟🐂薄切牛舌芯（鹽葱汁）蔥蓉及鹽蔥醬放包在牛舌裡一併燒香層次感更豐富惹味邪惡之選😈🦐海老•原隻帆立貝兩款都份量十足 十分大隻燒香後仍能品嚐到食材的鮮甜味🐂宮崎和牛 特上肩肉眼和牛味道香濃口感軟腍 油脂突出嫩而多汁💦🐂宮崎和牛上牛排肉油脂分布較平均肉質緊緻而不膩🐖鹿兒島豚五花肉🥞韓式煎餅（海鮮）餅面煎至金黃微脆 內裡軟糯煙韌 滿滿的海鮮配料沾上韓式醬汁後 酸甜惹味Noodles🍜迷你盛岡冷麵🐤迷你雞肉烏冬（熱）Dessert🍨黑糖珍珠雪糕味道甜絲絲口感冰凍彈牙即時為燒肉降溫
继续阅读
又又挖到好好食嘅日料啦！之前同姐妹試咗呢間餐廳，佢哋嘅tasting menu有十幾道菜品，食到我哋扶牆出去😆燒肉控真係會鍾意呢間，餐廳主打嘅宮崎和牛係和牛比賽中嘅冠軍紀錄保持者，可見宮崎和牛嘅肉質有幾高質！餐品套餐包括：🧡前菜 🧡燒肉 🧡海鮮 🧡野菜 🧡麵類 🧡甜點前菜一試我哋就即刻睜大對眼，佢哋嘅特製宮崎和牛他他配法包真係好好食，牛肉係生嘅，但係一點異味都冇，配埋脆脆嘅法包一齊入口，清爽又開胃🤤燒肉方面各種部位都好好食啊啊，不愧係冠軍宮崎和牛！薄切牛板腱、上牛排肉、牛脷芯、五花肉等等…最鍾意就係特上牛肩肉眼呢個部位，油脂分布均勻，肉質細嫩多汁，輕輕燒熟令表面變色就可以開食！入口即化嘅口感真係令人難以忘懷！海老同帆立貝都係十分新鮮，肉眼可見海老有幾巨型！肥美嘅蝦肉食住就滿足😌最後就用黑糖珍珠雪糕甜甜地結束我哋呢一餐～呢間日料質素同水準都喺線，非常推薦俾大家👏🏼
继续阅读
餐廳入面裝修簡樸典雅兼備，座位寬敞；好配合佢嘅高檔日式燒肉店路線。 最值得推介嘅晚餐係 Tasting Menu ($418/set)。每一道燒肉菜式都係自己燒烤，可以自己控制時間，燒出自己鍾意嘅燒肉口感！ 喺香港開高級日式燒肉店，少不免採用日本產嘅和牛，店內就有提供宮崎產和牛，另一款就係鹿兒島縣產；全部由日本直接進口。前菜係和牛他他配法包，和牛味道一啲都唔會俾醬汁蓋過咗，食落超開胃。海鮮煎餅我哋用咗2分鐘就清晒，真係好好食，冇諗過日式燒肉店做嘅韓式料理都咁好食😋迷你沙律入面嘅菜入口爽脆，連埋啲沙律醬一齊食好清甜。宮崎和牛嘅上牛排肉，油脂分佈算均勻，可以見到一條條幼細嘅脂肪紋。入口柔軟鬆化、肉味鮮美，肉汁豐富、帶有淡淡油脂香甜；比起其他燒肉店嘅和牛小排好食好多。之後再食薄切牛板腱，先知道一山還有一山高😮。先講賣相，油花分佈均勻，好靚。拌住壽司燒汁同日本生蛋黃，入口肉質更鬆化、肉味更鮮美、油脂更香。特上肩肉眼雖然歸類為瘦肉，但始終係宮崎和牛，仍然有油花。肉味香濃豐富；中間嘅一條幼筋完全唔韌，入口軟綿。肩肉眼入口即化，肉汁溢滿口腔。每一片呈完全嘅粉紅色；燒烤時，油脂受熱溶化而火花四濺。薄切牛舌芯大大塊兼厚切，份量唔少，相對和牛抵食。入口彈牙兼有油脂，質素好過坊間大部分嘅日式燒肉店。牛舌已經稍稍用鹽蔥汁醃製過，味道好好；要注意火喉控制，好好把握燒牛舌嘅時間，尤其需要因應厚薄唔同而調節。之後燒嘅鹿兒島豚五花肉都一樣好好味！口感同和牛肉好相似，肉香濃郁、兼且又有適量油脂；入口柔軟、纖維綿密，係鍾意肉味濃郁人士嘅首選。海老同帆立貝有豐富礦質、又有柔軟肉質，係日式燒肉店嘅人氣烤物。整體嚟講燒肉嘅質素好出色，不愧係宮崎和牛，比起坊間嘅其他日式燒肉店真係好食好多；如果想食得奢華啲、刁鑽啲，可以揀呢間嚟試吓～
继续阅读
朋友鍾意喺啲環境非常優雅又舒服嘅地方用餐，同事推介呢度，就帶佢嚟食午餐試下。我地揀左呢個套餐，兩個人share。飲品幾清新--南高梅青檸梳打同海洋荔枝梳打，味道好特別，非常清爽，唔會太甜。前菜幾好味，有韓式煎餅，入面放滿海鮮，鮮甜之餘仲煎好脆口，加埋沙律，配合麵包同和牛，就非常好食！好期待接住嘅主菜燒肉。主菜上咗好多肉同海鮮，我哋一邊烤一邊飲嘢，氛圍真係好好relax。燒肉--有好多種類，和牛居多。我喜歡上牛排肉同特上肩肉眼，食到原汁原味嘅和牛香氣，散發牛油香，非常香濃，口感亦都非常好，另外仲有加咗料嘅牛板腱同牛舌，一個係壽喜燒風味，一個係鹽蔥汁味嘅，有獨特嘅風味。好鍾意食五花豚肉同海鮮海老加帆立貝，五花肉嘅肥瘦非常均勻，油汁充分被瘦肉吸收。海老好鮮甜，帆立貝亦都非常新鮮，食得出鮮香無比。食飽之後就享用甜品，黑糖珍珠雪糕好吸引，有台式奶茶嘅風味，解膩又冰爽。我哋都非常鍾意呢度嘅食物同氣圍，約咗下次再嚟。
继续阅读
想帶女朋友去體驗一次日本菜嘅奢華體驗，第一個諗到嘅就係呢間和宴，真係好多人都推薦。我哋今次試咗佢哋嘅tasting menu，成個晚餐套餐，感覺真係好抵。有分為前菜、主食同甜品，每樣都係非常奢華嘅菜品。前菜最有印象嘅就係佢哋嘅和牛特色法包，入面有他他醬同和牛，法包非常脆口，和牛同他他好夾，好好食。仲有非常開胃嘅前菜沙律，韓式煎餅亦都好香脆，前菜嘅口味就非常豐富，好開胃。主食就係烤肉，有牛肉、豬肉同海鮮。和牛肉個人覺得最有特色嘅就係壽喜燒風牛板腱，別有一番風味，好好味，特製嘅醬料好入味，烤起嚟好香。女朋友就非常鍾意食五花肉，豚肉嘅香氣十足，最緊要就係肉夠新鮮，每一口都係非常鮮美。當然仲有其他部位嘅和牛，有上牛排肉同肩肉眼，口感特殊之餘，和牛獨特嘅油香亦都食得到。仲有幾特別加咗鹽蔥汁嘅牛舌芯，口感好有彈性，味道調配得啱啱好。海鮮主要有海老同原隻帆立貝，真係好新鮮，肉質好實，一啲都唔會腥，主打一個鮮字，食得好爽。食完奢華嘅一餐，仲有黑糖珍珠雪糕做收尾，甜度適中，清涼冰爽，食完燒肉絕對要嚟上一份。我同女朋友都覺得呢個tasting menu真係好奢華，都有達到頂級標準，下次一定仲會再嚟！
继续阅读