Terrace in seaside (海運大廈)

营业中

休息中

韩国仁川过江龙海边餐厅Terrace In Seaside进驻尖沙咀海港城都有一段时间，今次一如既往品尝呢间精致嘅韩国菜。餐厅同韩国一样主打休闲清新为主，环境同样以浅木色同植物元素为主调，好舒适。乌卒卒墨汁八爪鱼炖饭浓郁嘅墨汁包住每粒米饭，新鲜足料嘅八爪鱼喺炖饭当中，口感爽脆弹牙，带有浓郁鲜味，饭粒加上芝士酱，好creamy，味道带有咸香，非常吸引。极度惹味泡菜八爪鱼紫菜包饭紫菜包饭材料丰富，有口感弹牙嘅八爪鱼、蛋丝、青瓜丝、萝卜丝，同埋泡菜等，味道微辣惹味，口感丰富。开心果蜜糖窝夫窝夫卖相吸引，口感松脆，蜜糖味香浓，加上浓郁开心果酱同埋忌廉，香滑软绵，仲有粒粒开心果脆同埋焦糖脆脆，口感丰富。人生迷芒的芒果沙冰有半只切开嘅芒果喺上边，非常饱满，芒果沙冰味道香甜，底部仲有足料嘅柚子，同沙冰好夹，清爽解渴。济州柑乳酸梳打用上济州特产柑橘，新鲜柑橘果肉配上乳酪打制而成，味道微甜清新，加上青柠，消暑开胃，饮品渐变紫黄颜色，加上花瓣点缀，卖相吸引。