影片
更多
2024-08-25
536 浏览
今日去咗尖沙咀K11 Art Hall一间「火土烧肉」嘅餐厅食日式烧肉，呢一间喺露营风嘅餐厅，门面已经见到一个大帐幕同露营枱凳，一入餐厅就见到充满特色嘅露营装修风格，由餐枱、餐凳、吊灯，到餐具、餐杯、煮食用品等等，全部都系露营时会用到嘅折叠式不锈钢产品，令到好耐冇camping嘅我即刻有返晒以前露营嘅回忆！餐厅嘅室内部份主要系日式烧肉，营业至晚上11点；户外部份主要系酒精同小食，营业至晚上两点，有几个大帐幕围住一个模拟camp fire，环境超有气氛，推荐大家嚟同朋友chill吓！🍊A5宫崎和牛幻切沙巴当呢块和牛有职员帮手烧，沙巴当喺肩里肌至肋骨肉之间嘅一个部位，霜降油花分布均匀而紧密，食落去油脂好甘甜，肉质幼嫩，入口即溶，咀嚼后口腔充满和牛嘅油脂同香味，系一块好上乘嘅A5宫崎和牛，配上少量嘅黑胡椒调味，想再浓味嘅话仲可以配烧汁或红酒汁🍊雪花牛小排牛小排嘅份量都唔少，烧烤后肉质结实，油脂分布嘅雪花纹理清晰，食落有浓郁嘅牛味，我哋拣咗苹果味噌嘅嘅口味，味道清新而唔会盖过牛肉嘅鲜味🍊香葱蒜末牛舌牛舌属于薄切，烧香后嘅口感爽口弹牙，配埋大量嘅蒜头同青葱一齐烧，食落好香口🍊清酒煮蚬蚬肉嘅份量足
🍊A5宫崎和牛幻切沙巴当
呢块和牛有职员帮手烧，沙巴当喺肩里肌至肋骨肉之间嘅一个部位，霜降油花分布均匀而紧密，食落去油脂好甘甜，肉质幼嫩，入口即溶，咀嚼后口腔充满和牛嘅油脂同香味，系一块好上乘嘅A5宫崎和牛，配上少量嘅黑胡椒调味，想再浓味嘅话仲可以配烧汁或红酒汁
🍊雪花牛小排
牛小排嘅份量都唔少，烧烤后肉质结实，油脂分布嘅雪花纹理清晰，食落有浓郁嘅牛味，我哋拣咗苹果味噌嘅嘅口味，味道清新而唔会盖过牛肉嘅鲜味
🍊香葱蒜末牛舌
牛舌属于薄切，烧香后嘅口感爽口弹牙，配埋大量嘅蒜头同青葱一齐烧，食落好香口
🍊清酒煮蚬
蚬肉嘅份量足够，附送嘅清酒汤汁喺锡纸盒入面加热至滚起就食得，汤汁味道非常鲜甜，吸收晒蚬肉嘅精华
🍊酱油帆立贝
三只帆立贝嘅尺寸都几大，附送酱油汁喺锡纸盒入面加热至酱汁滚起后3分钟就可以食，肉质鲜甜，口感弹牙，酱油汁味道甜甜地好夹
🍊玉子海苔饭
大量嘅紫菜配日本流心蛋黄，戳破蛋黄后加入烧汁再拌匀，日本米饭分明
🍊开心果雪山冰
呢个雪山冰好出色，开心果仁嘅份量好多，雪山冰嘅口感绵密，食落有磨碎咗嘅果仁，整体味道唔会太甜，好重牛奶味同开心果仁嘅香味，而且份量好大，绝对足够两个人食嘅饭后甜品
📍尖沙咀河内道18号K11购物艺术馆3楼314号舖
位置就脚：🍊🍊🍊🍊🍊
餐厅环境：🍊🍊🍊🍊🍊
食物味道：🍊🍊🍊🍊🍊
整体CP值：🍊🍊🍊🍊🍊
张贴
