影片
更多
2023-06-15
2158 浏览
【屯门区】【BYOB Coffee Roaster】有一排得闲些少，搅咗个「1amfoodie 与不幸成为 1amfoodie 读者见面大会」，分别约咗几次饭局，同咗几位来自唔同界别嘅读者见面。睇得 1amfoodie 嘅，个人都应该癫癫哋，所以事前我都有担心自己嘅人身安全架。呢次仲要入到屯门里面一个我好似从来都冇去过嘅地方，除咗听到广东话同见到香港嘅建筑之外，我完全唔知呢度系香港嚟咁。不过同读者见到呢间 BYOB 觉得唔错就走咗入去食嘢，唔记得讲，呢位男读者嚟，系一名摄影师。首先嚟嘅系 $98 嘅「蟹膏蟹肉意粉」，有蟹钳、蟹肉、日本蟹膏酱、忌廉，我哋 share 食。大家都觉得唔错，对方系摄影师，影啲食物相靓到我都好惭愧。味道上虽然我觉得仲可以好啲，但已经算好好喇，跟住就到另一份。就系 $168 嘅「德国黑麦啤慢煮咸猪手」，需时 40 分钟所以要等，事前讲明系不油炸所以不脆皮，但系都好好食，好香麦味。嘢饮方面，我就饮咗杯 $34 嘅「BYOB 招牌冰咖啡」，几好饮，又香又浓。夹埋 $300，算抵食㖞。。。（地址： 屯门青桃径5号文翔大厦地下2A号舖）
呢次仲要入到屯门里面一个我好似从来都冇去过嘅地方，除咗听到广东话同见到香港嘅建筑之外，我完全唔知呢度系香港嚟咁。不过同读者见到呢间 BYOB 觉得唔错就走咗入去食嘢，唔记得讲，呢位男读者嚟，系一名摄影师。
首先嚟嘅系 $98 嘅「蟹膏蟹肉意粉」，有蟹钳、蟹肉、日本蟹膏酱、忌廉，我哋 share 食。大家都觉得唔错，对方系摄影师，影啲食物相靓到我都好惭愧。味道上虽然我觉得仲可以好啲，但已经算好好喇，跟住就到另一份。
就系 $168 嘅「德国黑麦啤慢煮咸猪手」，需时 40 分钟所以要等，事前讲明系不油炸所以不脆皮，但系都好好食，好香麦味。嘢饮方面，我就饮咗杯 $34 嘅「BYOB 招牌冰咖啡」，几好饮，又香又浓。夹埋 $300，算抵食㖞。。。
（地址： 屯门青桃径5号文翔大厦地下2A号舖）
张贴
