影片
更多
2024-09-13
767 浏览
之前放假无咩做，就去咗愉景湾闲逛加食嘢。星期六嘅愉景湾人流唔多，等车搭车都好轻松舒服。之前试过星期日入去，人超多～今次试咗间土耳其餐厅，网上睇相，被佢手臂咁长嘅PIZZA吸引咗，另外见到有自家制的土耳其雪糕，所以就决定食。环境方面，最吸睛的餐厅设有二人心形座位，啱晒情侣打卡。餐厅有室内及室外用餐区，环境舒适，空间感充足，周末假期朋友或家人嚟呢度都唔错，我哋当日都有一班外籍人士聚餐呢。谈回食物，MENU上面选择多，只系PIZZA我哋都有3款想试，奈何空间同QUOTA都有限，根本无可以试晒，最后就拣咗其中一款。Hallomi Salad香烤乳酪蔬菜沙律 $88呢款沙律好特别，上面有３大块烤过嘅芝士。佢嘅口感就类似豆干，但系多少少咬口，同埋湿润啲。食落同埋有淡淡芝士嘅味道，咸咸地咁个人几钟意。配上新鲜嘅沙律菜好开胃又健康。Sac Tava土耳其炖牛肉铁锅 $158呢个炖牛肉铁锅份量只系一人份，但真系超多，一个人有咩可能食得晒。因为用用铁锅整，嚟到𠮶阵，香气四溢，牛肉香、芝士香、蕃茄香同饭香，未食已经流晒口水！牛肉用咗唔同香料、加埋洋葱、青椒、蕃茄等配料，零舍惹味，超好送饭。Mevlana P
今次试咗间土耳其餐厅，网上睇相，被佢手臂咁长嘅PIZZA吸引咗，另外见到有自家制的土耳其雪糕，所以就决定食。
环境方面，最吸睛的餐厅设有二人心形座位，啱晒情侣打卡。餐厅有室内及室外用餐区，环境舒适，空间感充足，周末假期朋友或家人嚟呢度都唔错，我哋当日都有一班外籍人士聚餐呢。
谈回食物，MENU上面选择多，只系PIZZA我哋都有3款想试，奈何空间同QUOTA都有限，根本无可以试晒，最后就拣咗其中一款。
Hallomi Salad香烤乳酪蔬菜沙律 $88
呢款沙律好特别，上面有３大块烤过嘅芝士。佢嘅口感就类似豆干，但系多少少咬口，同埋湿润啲。食落同埋有淡淡芝士嘅味道，咸咸地咁个人几钟意。配上新鲜嘅沙律菜好开胃又健康。
Sac Tava土耳其炖牛肉铁锅 $158
呢个炖牛肉铁锅份量只系一人份，但真系超多，一个人有咩可能食得晒。因为用用铁锅整，嚟到𠮶阵，香气四溢，牛肉香、芝士香、蕃茄香同饭香，未食已经流晒口水！牛肉用咗唔同香料、加埋洋葱、青椒、蕃茄等配料，零舍惹味，超好送饭。
Mevlana Pide 土耳其披萨 $138
土耳其特色薄饼形状好似船咁，好特别，长过我手臂，打卡一流。我哋呢个薄饼拣咗羊肉，所以船身尽是羊肉碎同芝士。饼底薄身，外皮似焗热嘅欧包咁酥脆。虽然薄，但口感都保持有咬口。你睇，中间嘅气孔～～羊肉加芝士，不乏膻味🐑，但可接受。羊嘅油脂配上不突兀嘅芝士，互相融合产生嘅化学效果，真系令人食完一块又一块～呢款土耳其经典船型Pizza，真系值得一试！！
Turkish Coffee $68
嚟之前有上网见过土耳其咖啡冲煮嘅方式好特别，首先将咖啡粉放入铜壶，然后放铜壶喺沙堆上面游走加热。当咖啡煮沸时，店员就把涌上来的咖啡倒出，然后继续加热，反覆冲煮而萃取出精华。第一次见到咁样冲咖啡，感觉好新奇～
Baklava with ice cream果仁蜜饼跟开心果雪糕 $88
呢度嘅甜品几特别，坊间少有。因为最近开心果大热，所以我都叫返个开心果甜品～果仁蜜饼嚟到时仲系暖嘅，口感又松又脆，上面淋有少许蜜糖同开心果碎，好有层次感。配埋个云呢拿味雪糕一齐食，有种冰火冷热交融嘅感觉，完全系多重口感同味蕾享受。本来系开心果味雪糕，但最初畀错咗，所以事后店员送返一球开心果雪糕畀我哋，好开心！
土耳其雪糕同平时雪糕口感唔同，感觉好似比较重身同埋浓稠，我哋仲发现佢原来可以微拉丝XD好有趣～之后GOOGLE返先知道，原来传统土耳其雪糕会加入兰茎粉，从而增加黏稠度，令到小贩拉长雪糕时不易断开，今次长知识！
张贴
