石一燒 (九龍城) (已結業)

到访小店嘅时间较早，所以人流唔多，可以慢慢享受用餐时间～主餐后嘅甜品时间更有惊喜，另外仲有刮刮乐，可以得到优惠供下餐使用，又有啤酒速饮嘅挑战，可以得到各种不同嘅用餐体验。极上和牛盛会二人前 $698🔸沙律：生菜以外仲有羽衣甘蓝😮，简单洒上木鱼丝及芝麻酱作调味，酱汁份量稍多，改配柚子醋会更清爽，更适合配搭烧肉。🔸樱花虾味噌汤：樱花虾份量超多，铺满味噌汤面头；味道唔会太浓太咸～🔸前菜三品：前菜有炸牛乳（甜）、柚子蟹柳（酸）、带子裙边（辣）；店员建议以甜酸辣嘅次序品尝，的确酸味可以化掉炸牛乳嘅油腻同甜腻感，与辣味道起增加食欲。🔸和牛拼盘：二人前共有三款和牛，「日本九州A4和牛上前腿肉」丰满油脂，劲软腍腍；「澳洲和牛封门柳」较有咬口，而且充满肉汁；「日本九州A4和牛三角胸」有筋，比起上前腿肉更油润，配上淋左烧肉汁嘅白饭或者汤乌冬食啱啱好👍🏻。烧肉汁以外仲有岩盐、黑椒同埋由花椒、胡椒、黑椒、辣椒等调配嘅自家盐，所以烧肉味道唔会单一。🔸菇盛会：菇类有两款，建议系上前腿肉或三角胸后食用。🔸普洱咖啡：餐饮以外原来仲奉有咖啡，咖啡唔算太苦，略带酸味，带有普洱嘅香气，十分解腻，口腔内嘅油腻感可以话完全消失