大壹燒鵝 (MOSTown Street新港城中心大街(3期))

营业中

休息中

【沙田区】【大壹烧鹅】马鞍山不嬲有「美食沙漠」之称，但系近年发展迅速之余，因为呢个称号而出现嘅商机蜂拥而至，大家都好似想出手喺呢片土地上面分一杯羹咁。而呢排我都听咗好耐嘅消息，就系呢头开咗一间几好食嘅烧味餐厅，点都想去吓。呢日同同事细猪哥喺马鞍山想揾个地方坐低吹吓水，无啦啦就撩起咗呢条瘾。佢就大力推荐呢间啲烧腩仔，但系餐厅个名又唔系叫「大壹烧腩」，我就梗系想两样都食吓，下午茶 $48 嘅「双拼烧味粉面」似乎就满足到我嘅愿望喇。咁我就叫「烧腩烧鹅濑粉」，配烧鹅要加 $5 不过我觉得合理，贵价食材嘛。而味道上，又真系个烧腩仔系好好食，烧鹅就因为骨多过乜所以冇乜感觉，我个人都会同大家推荐佢哋个烧腩仔。跟餐饮品我饮「热杏仁霜」，都系咁。细猪哥都系食下午茶，佢食 $48 嘅「干炒牛河」配「热好立克」。佢食唔晒一份所以都有分啲畀我食，我食落都觉得唔错，以下午茶嘢嚟讲算炒得几好。呢餐 total 系 $101 嘅，细猪哥话一定要佢畀钱，佢讲到咁咯，我唯有 okay 啦。。。（地址：沙田马鞍山鞍诚街8号新港城3期N座地下7-9号舖）#1amfoodie #foodie #hkfoodie #thatf