禪

营业中

休息中

之前食过同一个集团既其他分店，份量同味道都非常高质，今次呢间Cafe菜式有少少分别，但味道一样系非常出色。———————————————🌟 美国牛小排月见蛋丼牛小排嫩滑到唔得了，粉嫩既肉质烧到啱啱好，油脂逼出黎但保持住粉嫩既状态，口感超正！上面仲加咗芝麻同香料，成个肉香扑鼻而来～最唔少得就系靓靓既蛋黄，捞埋牛肉同珍珠米，蛋香同肉香结合，真系一流！🌟 日式照烧鸡扒白咖哩乌冬白咖哩乌冬一上台已经被佢既香浓忌廉吸引住，捞匀之后乌冬变成奶黄色，奶香混合微甜咖哩味，味道好特别。至于鸡扒亦好出色，嫩滑得黎味道腌得入晒，食落有层次感，值得一试！🌟 白桃伯爵茶窝夫个窝夫既摆盘已经超打卡，伯爵茶酱茶香浓郁而且唔会过甜，再加上白桃酱既点缀，带出清新果香，多咗一层层次～成个味道平衡到刚刚好！🌟 日式抹茶鲜奶抹茶鲜奶我叫左少甜，味道啱啱好～抹茶味浓得黎带少少甘香，配合香浓鲜奶，比例非常岩，饮完超舒服！🌟 芒果梳打梳打气泡够十足，夏天饮返杯真系透心凉！芒果味够香浓，仲系真芒果味，唔会有假香精既感觉，好清新～