影片
更多
2023-08-03
85 浏览
【油尖旺区】【遖】我喺香港都食过几次 omakase，其实即系厨师发办嘅日本菜，由厨师决定当日顾客食乜。朋友介绍尖沙咀有间几好，咁我就梗系叫埋道歉哥一齐去试。交通几方便，喺尖沙咀，就算系红磡站行过去都唔远而又自成一角好清静。我哋试每位 $1380 嘅「つまみ 6品、握り寿し 7贯、巻物、茶碗蒸し、お椀、デザート」，首先想讲哋奉客嘅「玄米茶」几好饮，个餐前小食好似烧鱿鱼干嚟都几好。咁今次嘅师傅「良师傅」已经准备就绪，我哋都预备好喇。前菜有三道，「赤贝配顺菜」、「海胆豆腐」同「汁煮灯台粒贝仔」，个豆腐我特别想讲，整到好似成旧都系海胆咁，正。之后到「仙台独眼龙生蚝」，我食𠮶只加咗青柠啫喱，好清新顺滑，道歉哥𠮶只系用蚝汁烧过，佢都话好。之后「北海道粒贝」系有柚子盐同芥末辅助，唔错。我食嘅「烧带子夹海胆」系食𠮶种澎湃嘅鲜味，冇得弹。跟住食「岩手县紫海胆」，我𠮶碟配白虾仔同龙珠果，另一碟配拖罗同三文鱼籽，两只鲜味唔同，但都发挥得几好。之后嘅「樱煮八爪鱼」有柚子胡椒，柚子味香，而且好腍。而「胡椒鲷」本身淡味少少，加咗青柠汁同埋辅以岩盐同芥末就啱啱好。「池鱼仔」系细条嘅岛根池鱼仔，捞咗麻油豉油香，加埋
我哋试每位 $1380 嘅「つまみ 6品、握り寿し 7贯、巻物、茶碗蒸し、お椀、デザート」，首先想讲哋奉客嘅「玄米茶」几好饮，个餐前小食好似烧鱿鱼干嚟都几好。咁今次嘅师傅「良师傅」已经准备就绪，我哋都预备好喇。
前菜有三道，「赤贝配顺菜」、「海胆豆腐」同「汁煮灯台粒贝仔」，个豆腐我特别想讲，整到好似成旧都系海胆咁，正。之后到「仙台独眼龙生蚝」，我食𠮶只加咗青柠啫喱，好清新顺滑，道歉哥𠮶只系用蚝汁烧过，佢都话好。
之后「北海道粒贝」系有柚子盐同芥末辅助，唔错。我食嘅「烧带子夹海胆」系食𠮶种澎湃嘅鲜味，冇得弹。跟住食「岩手县紫海胆」，我𠮶碟配白虾仔同龙珠果，另一碟配拖罗同三文鱼籽，两只鲜味唔同，但都发挥得几好。
之后嘅「樱煮八爪鱼」有柚子胡椒，柚子味香，而且好腍。而「胡椒鲷」本身淡味少少，加咗青柠汁同埋辅以岩盐同芥末就啱啱好。「池鱼仔」系细条嘅岛根池鱼仔，捞咗麻油豉油香，加埋蘘荷包紫菜食，姜味唔系好辣咁。
跟住有「烧太刀鱼」同「花咲蟹」，前者几嫩滑，后者个样同鳕场蟹差唔多，啲刺比较尖身但系个蟹味出啲。跟住上咗「北海道白粟米」、「冲绳苦瓜」、「BB姜」同「柚子萝卜」，就知道要清清个口腔，准备食寿司喇。
「石垣贝」上之前师傅拍吓佢，肌肉果然爽身啲。「千叶地金目鲷」个汁用鱼头煮出嚟，保持鲜味。「熟成拖罗」烧过一吓就更加香滑，正。之后嘅「小肌鱼」同「宫崎紫海胆」都好食，尽显师傅功架，冇乜嘢可以挑剔喇。
件「神奈川黑睦」本身重油份啲，不过加少少梅酱就清新啲，中和返。跟住嘅「醋鲭鱼」面头有一块仔嘅白昆布，点缀咗件事。最后嘅「干瓢卷」即系胡芦瓜卷，买返嚟白色一条条好似鞋带咁，要煮嘅，咁就完埋寿司部份。
跟住到个「蒸蛋」同个「独活清汤」，前者好香蟹味，后者清得嚟又有好似当归咁嘅 feel，正。最后食埋甜品「北海道雷电赤肉蜜瓜」，甜得嚟唔腻，清清哋，为成餐饭作出一个完美嘅终结。埋单两位 $3036，差唔多啦。。。
（地址：尖沙咀漆咸道南115号达成商业大厦7楼）
@sushi_apare
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #lunch #dinner #foodpics #followforfollowback #love #eat #1am油尖旺区 #红磡 #佐敦 #尖沙咀 #尖东 #遖 #日本菜 #omakase #寿司 #お任せ #信任 #师傅 #厨师发办 #尖沙咀必食 #尖沙咀美食 #尖沙咀omakase #1am1097 #1ambackup
张贴
