鐵板世家

营业中

休息中

【油尖旺区】【铁板世家】呢间嘢我好耐之前都帮衬过，当时我系叫佢哋嘅「铁板西冷牛扒」，当时觉得都系几好食嘅，仲有「芒果啫喱」做甜品，似旧式豉油西餐。再经过见到佢仲喺度，可能当时系下昼，可以话系门可罗雀。不过当我坐低叫咗嘢食之后，又开始多人入嚟食嘢㖞。本身想食下午茶，食吓佢哋铁板餐以外嘅其他嘢，点知见到佢哋仲有常餐，咁就食常餐啦。不过佢哋呢度唔叫常餐，叫「金牌餐」，我叫嘅系 $55 嘅「瑞士汁鸡翼捞公仔面」，主食味道合理啦，正正常常，不过不失，常餐咁嘅价钱系咁上下水准，接受到。配菜有「火腿炒蛋」，本身嘅牛油厚多士我就加 $2 将佢转做「奶酱猪仔包」，两者都唔差，炒蛋生熟度拿揑得宜，猪仔包就落得够酱，点整都好食。嘢饮我加 $3 饮「冻奶茶」，估唔到戏肉喺呢度，惊喜地好饮，奶味同茶味斗丽争妍，令呢 $60 畀得几满足。。。（地址：旺角通菜街188号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globa