裕泰牛什越南河

营业中

休息中

【深水埗区】【裕泰牛什】中咗武肺之后，独留家中写返啲之前做咗但又未有机会写嘅嘢。睇咗之前两回嘅朋友都应该了解到今日呢篇将会系 社交平台牛腩牛杂群组提及到嘅大埔道二百米三间粉面店嘅调查特辑嘅第三篇，即系最后一篇。咁大家可以放心，讲咩调查𠮶啲都只系哗众取宠嘅夸张用词，我未去到做𠮶啲著住紧身皮衣嘅潜入调查官嘅。自己武肺嘅情况已略有好转，唔需要太担心之下，我就顺势讲埋呢间最近先喺大埔道开张「插旗」嘅「裕泰」。第一次去都几期待，因为群组对佢评价几高，不过大家知我对「打手」系「免疫」，所以半信半疑咁叫咗碗「招牌牛杂河」。喂，真系新鲜牛杂，系好食啲冇错，唔系打手呀吓，加埋杯「冻柠茶」夹埋 $30 都系自费。三草嘢真心抵食，胃口大开，叫多碗「牛三宝粗」，有「牛筋」、「牛肚」、「牛腩」，味道都 okay，本身谂住食少啲面但最后都食晒，呢碗 $40 都系送嘢饮，我都系要「冻柠茶」费事撞，都系正常味道，不过不失。我之后仲去咗两次，有次冇影相，再之后呢次就同家慈去，我叫咗碗「胡椒猪肚捞粗」配「冻柠茶走甜」，成件事比较一般。家慈叫「牛杂面」，佢唔太热衷但都食得出啲牛杂唔同啲，佢系饮「热奶茶」嘅，夹埋就 $70。