影片
更多
2024-08-28
166 浏览
喺湾仔发掘咗一间性价比高嘅lunch omakase！餐厅门面较为低调, 室内用餐位置只设有厨师发办席前吧枱, $480(每位)就可以享受到厨师发办套餐, 食材非常新鲜, 简直系大满足！ 先上沙律🥗、日式蒸蛋, 茶碗蒸好嫩滑, 入面有蚬肉、菇菌、带子、白果, 十分足料！刺身4款：🔸烟熏鲣鱼以玻璃罩盖住烟熏鲣鱼, 一打开就闻到淡淡烟熏香气, 配搭葱蒜酱汁一齐食, 充满风味！🔸真鲷：肉质细致, 配上微酸嘅梅子酱调味, 口感清新爽嫩🔸𩽾𩾌鱼肝泡芙泡芙内有带咸香嘅𩽾𩾌鱼肝酱, 虽然放咗一阵先食, 但泡芙外皮仲系保持到松脆口感！一口咬落去就感受到𩽾𩾌鱼肝嘅浓郁味道, 绵密滑顺, 味道有啲似鹅肝酱, 呢个好有惊喜, 估唔到咁夹！🔸帆立贝肉身厚实, 味道鲜甜, 加点青柠汁能令味道更清新！🍣寿司8贯使用日本时令新鲜食材, 当日有𫚕鱼、鱿鱼🦑、贝柱、池鱼、太刀鱼、拖罗、濑尿虾、海胆, 寿司由淡味至浓味, 逐件细味品尝, 最难忘嘅系以下3款寿司：🍣太刀鱼寿司 — 经火炙后, 太刀鱼嘅油脂微微渗出来, 肉质肥美细致, 油香四溢, 味道独特！🍣拖罗寿司 — 鲜美柔软, 口感丰腴, 充满油分！🍣濑尿虾寿司 —
先上沙律🥗、日式蒸蛋, 茶碗蒸好嫩滑, 入面有蚬肉、菇菌、带子、白果, 十分足料！
刺身4款：
🔸烟熏鲣鱼
以玻璃罩盖住烟熏鲣鱼, 一打开就闻到淡淡烟熏香气, 配搭葱蒜酱汁一齐食, 充满风味！
🔸真鲷：肉质细致, 配上微酸嘅梅子酱调味, 口感清新爽嫩
🔸𩽾𩾌鱼肝泡芙
泡芙内有带咸香嘅𩽾𩾌鱼肝酱, 虽然放咗一阵先食, 但泡芙外皮仲系保持到松脆口感！一口咬落去就感受到𩽾𩾌鱼肝嘅浓郁味道, 绵密滑顺, 味道有啲似鹅肝酱, 呢个好有惊喜, 估唔到咁夹！
🔸帆立贝
肉身厚实, 味道鲜甜, 加点青柠汁能令味道更清新！
🍣寿司8贯使用日本时令新鲜食材, 当日有𫚕鱼、鱿鱼🦑、贝柱、池鱼、太刀鱼、拖罗、濑尿虾、海胆, 寿司由淡味至浓味, 逐件细味品尝, 最难忘嘅系以下3款寿司：
🍣太刀鱼寿司 — 经火炙后, 太刀鱼嘅油脂微微渗出来, 肉质肥美细致, 油香四溢, 味道独特！
🍣拖罗寿司 — 鲜美柔软, 口感丰腴, 充满油分！
🍣濑尿虾寿司 — 鲜甜有弹性, 味道清甜, 表面加上蛋黄粉, 增添一份咸香
🥚玉子烧 — 口感香甜偏扎实, 蛋味香浓
另外再追加咗餐厅招牌菜式 #彩羽太卷 ！呢个系必试, 卖相满分💯❗️师傅以酱油渍蛋黄、拖罗、赤身、海胆、青瓜🥒作手卷材料, 超级足料！一整件放入口, 各种食材嘅鲜味涌出来, 包括甘甜丰腴嘅海胆、味道浓厚嘅酱油渍蛋黄、拖罗嘅油脂感, 口感层次丰富！
最后, 师傅会即席用日式刨冰机制作日式刨冰🍧, 以刨冰专用嘅冰砖制作🧊, 打卡一流！刨冰口感细致, 完全食唔到碎冰粒, 直程系入口即化！
张贴
