拾味山西刀削麵館

营业中

休息中

【湾仔区】【拾味山西刀削面馆】有一日落咗湾仔 SOLO 买黑胶碟，冇计呀都唔知边度先有平靓正嘅黑胶碟，都系边睇边买吓咁。睇完咯，就当然想食吓嘢，不过𠮶头冇乜嘢食，我就行吓先，行行吓就行咗上湾仔道，喺集成中心附近就见到呢间嘢。见佢写住刀削面，谂吓其实我都几中意食，烟烟韧韧咁，热辣辣咁一碗面够晒饱肚，咁就走咗入去。入到去发现餐厅都几黄，起码摆啲口号喺度，啲侍应冇好似啲扮黄餐厅咁话会令到啲人尴尬先，所以一睇就知大概系点架喇。当时嘅天气都几热，行到成个身㷫熻熻咁，所以又冇之前咁想食热嘢。点知佢又真系有「冷刀削面」供应，正㖞。咁有特色，整返份「消暑冷刀」叹吓，可以拣一款𩠌，我拣咗「猪肚丝」，加 $10 要埋「手撕鸡」，就 $78。佢有青瓜、粟米等等嘅食材捞埋入去，加埋个酸酸哋嘅汁，劲开胃，佢又劲大份，食到我超饱。味道上，两款𩠌切碎咁捞埋落个面度，几好，令到口感丰富咗。加上啲刀削面本身烟韧，冻食的话更加发挥到佢呢个特性，好正。夹埋质饱我嘅，仲有 $40 五只嘅「酥炸云呑」，佢炸得都几好，热辣辣，做小食一流。饮埋杯 $6 嘅「冻豆浆」，加加埋埋食咗 $124，唔讲政治，净系呢个质素已经值啦，唔系太大