薔紅

营业中

休息中

【湾仔区】【蔷红】早排帮政府手做咗啲嘢，识到唔少朋友，当中有位朋友又系好重视饮食。讲开烧鸡，佢喺度问呢间「蔷红」好唔好，我就叫佢放心，即管去。咁我叫得人去嘅，又点会唔顺便同我班好读者讲。呢餐系上年十月同朋友去食，本身谂住入去食少少嘢，点知忍唔住。因为见到好多客人都叫佢哋嘅驰名出品，即系 $88 嘅「脆皮烧春鸡」，配「炸薯条」。等咗一阵先有得食，不过食落就知系値得等嘅，因为只鸡系烧得外脆内嫩，虽然鸡味唔算浓但系香港冇活鸡就真系冇计。餐牌用返个「鸡」字又系正，脆炸曲薯条都好味。我加 $10 饮杯「冻柠茶走甜」，食烧鸡点都要饮啲嘢，杯嘢正常水准咁啦。朋友就食 $65 嘅「焗肉酱意粉」，佢话正常冇特别，但佢就加 $18 饮「荔枝杂果特饮」，都系冇亮点可言。埋单 $181 唔贵嘅，我估其实嚟得呢度都系食烧鸡㗎喇，其他嘢未必咁好。。。（地址：湾仔庄士敦道194-204号湾仔商业中心1楼）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodie