潮丸 (已結業)

「无丸不欢」既我，知道筲箕湾有间专食爆汁牛丸既粉面专门店「潮丸」，梗系要抽时间试一试！潮丸装修风格都几「摩登」，同一般粉面店好大分别，原来食粉面都可以好chill😂!蓝绿色嘅外墙，配合怀旧花纹嘅地砖，新旧交替。内里装潢走工业风，空间感十足！即使系下午茶时间，座上客不绝，可能呢个就系品质既保证。细心睇一睇挂喺墙上既挂画，最吸引我眼球既就系幅juicy「极上牛丸」！见到都流口水！原本谂住就咁叫个牛丸王河就算，点知又发现咗正嘢！凳凳！就系集齐牛丸、牛筋、牛肚、牛腩既牛！魔！王！另外，仲叫多个萝卜添！白萝卜上枱大大碗，味道清甜，咬落无渣，不错！之后就系主角登场！牛魔王份量一d都唔惹小，未入口已经feel到浓郁牛肉香味！四样𩠌都好吸引！每日手打鲜制既牛丸咬落好juicy多汁，牛腩肉质松化，牛筋烟韧，牛肚爽口弹牙！绝对配得起「牛魔王」呢个名！临走前，仲见到原来有得就咁外卖牛丸，下次嚟一定要买番两斤番屋企慢慢回味下先！