影片
更多
2016-04-30
1243 浏览
少数被报道过的柴湾食肆。若要我强迫朋友千里迢迢跨区入柴湾食饭，暂时呢个系我发掘到唯一嘅诱因。位于渔湾邨街市熟食中心入面，夜晚其他档口收档后，差不多成层都系佢嘅枱，成层走一个大圈，成半个足球场咁大，非常有气势。$150一位，自助形式任饮任食不限时，学生长者仲有优惠，真系好有heart。现场见到有学生着住校服帮衬，仲切蛋糕庆祝生日，真系好青春。食物有近百款选择，主打的海鲜，有冰镇住，有三点蟹、面包蟹、大大只濑尿虾、蛏子、虾、大蚬、扇贝、生蚝、鱼...多不胜数、款式多变。有闻说过系街市卖剩货式，但亲身试过又觉得几新鲜，而且客量同货量都好多，边有咁多卖剩货呀？海鲜之外，肥牛有两三款，有滑鸡，内脏类也有不少，丸类十多种，蔬菜菇类新鲜款多，而且所有食品refill得好快，所有食物品质也很不错。饮品啤酒酱料全包，支装气水好开心。最估佢唔到系有雪糕，仲要有雪糕筒，味道仲要比想像中好，好有日本放题feel。环境当然唔够酒楼舒适，但就系钟意佢嘅街坊feel, 无拘无束。员工虽然好忙，不断出食品、收枱、运饮品，但全部笑容可掬，非常有礼，超级勤力，好香港精神。呢度用石油气炉，火力好够，系个煲细咗少少，多人真系
$150
148 浏览
0 赞好
0 留言
$150一位，自助形式任饮任食不限时，学生长者仲有优惠，真系好有heart。现场见到有学生着住校服帮衬，仲切蛋糕庆祝生日，真系好青春。
食物有近百款选择，主打的海鲜，有冰镇住，有三点蟹、面包蟹、大大只濑尿虾、蛏子、虾、大蚬、扇贝、生蚝、鱼...多不胜数、款式多变。有闻说过系街市卖剩货式，但亲身试过又觉得几新鲜，而且客量同货量都好多，边有咁多卖剩货呀？
海鲜之外，肥牛有两三款，有滑鸡，内脏类也有不少，丸类十多种，蔬菜菇类新鲜款多，而且所有食品refill得好快，所有食物品质也很不错。
饮品啤酒酱料全包，支装气水好开心。最估佢唔到系有雪糕，仲要有雪糕筒，味道仲要比想像中好，好有日本放题feel。
环境当然唔够酒楼舒适，但就系钟意佢嘅街坊feel, 无拘无束。
员工虽然好忙，不断出食品、收枱、运饮品，但全部笑容可掬，非常有礼，超级勤力，好香港精神。
呢度用石油气炉，火力好够，系个煲细咗少少，多人真系唔多够位放食物，因为佢有啲海鲜都几大件。建议大家不要叫鸳鸯锅，因为中间条界有啲矮，好易过界，每次加到好少汤，减慢咗食嘅速度。
张贴
