泉記金喜來海鮮飯店 (已結業)

$130／位任飲任食火鍋，海鮮有4-5款任夾，肉款長期供應，丸類10多樣選擇也很豐富。而最後飲品也是最需要特別一講，無論啤酒、樽裝維他奶、水、各種汽水都是任飲。性價比高，湯底我選的是沙嗲湯，味道不錯。環境方面由於是位於街市上面的熟食中心，所以未必太舒服，但對比起價錢是合理的。無論一個人食／一班朋友聚會都是一個不錯的選擇，因為沒有限時！

📍#泉記金喜來海鮮餃店 #泉記🇭🇰香港柴灣怡豐街33號漁灣街市1樓熟食中心10號舖🇭🇰 Shop 10, Cooked Food Centre, 1/F, Yue Wan Market, 33 Yee Fung Street, Chai Wan, HK🌐柴灣#MFJ柴灣 #MFJ中菜#MFJ_ChaiWan #MFJ_ChineseFood 味道: 👅👅👅賣相: 👀👀👀👀價格: 💰💰💰💰性價比: ⭐️⭐️⭐️回頭率: 🔆🔆🔆消費: ~HKD350限聚令之下的冬至，唯有外賣個枝竹羊腩煲返屋企一齊過節💕🆗枝竹羊腩煲🥘～$350一鍋有大概三隻車仔面外賣碗咁多，大概$350左右，比我想像中多好多，在跟一包生菜，夠一家人食！羊肉都幾大舊，幾口肉，仲有好多皮添略嫌羊肉唔夠香，但湯底夠濃夠厚，枝竹煮夠淋十分入味！食完羊腩煲仲可以打邊爐，過節一家人齊齊整整一齊食飯才是最開心！

真係餓左邊爐癮好耐啦好難得會去到柴灣食野又記起呢度有間可以任食海鮮嘅邊爐雖然置身於街市當中但環境都可接受——————————————————去到先知已經無做任食海鮮😫失望不過唔緊要啦去到都可以試下重點呢個價錢出面有無海鮮都做唔到坐低就即刻有人問要咩湯底跟住就會上碟海鮮俾你最後揀左沙嗲同莞茜皮蛋湯個爐好得意第一次見呢啲爐檯底有罐石油氣喺度沙嗲湯好濃食到最後變到好咸🤪皮蛋湯啲皮蛋係溏心架好正雖然食物款式唔係特別多但海鮮真係好新鮮啲蜆識郁架仲有學生酒精 Jolly Sandy🤣🤣唔中意邊爐另外一邊都有啲小炒可以選擇——————————————————❖ 任飲任食每位 $130

記得上次黎漁灣街市泉記食飯 d餸有伏有唔伏，今次黎一於試下其他嘢食，睇吓會唔會好食d 今次嗌咗兩碟小菜同一個湯，分別係支竹魚滑浸時菜 ($75)、西蘭花炒鮮魷 ($85)、海皇魚肚羹 ($88) 晚市人均收費一百蚊左右，大家都食得好飽，幾抵 今次比上次有進步，但尚有改善空間 西蘭花炒鮮魷係三碟入面最好食嘅西蘭花夠爽脆，入口唔太油膩魷魚彈牙，份量都唔少 海皇魚肚羹嘅「海皇」略少，不過都食到d 魷魚粒、魚肉碎魚肚發得好淋，入口軟滑另外仲加咗少少菜粒，可以增添顏色之餘，口感亦變得更豐富 前兩碟表現都唔錯，反而支竹魚滑浸時菜令人失望 支竹同鯪魚肉嘅份量出奇地少 雖然話menu嘅圖片只供參考，但係都冇諗過現實同期望可以爭咁遠 差唔多成碟都係生菜，搵到嘅支竹同埋魚肉都係好細磈或者好碎 咁樣收人$75我就覺得貴得濟

好耐無去街市熟食中心食嘢，今晚去柴灣食飯就試試漁灣街市嘅呢間泉記啦 雖然話係「飯店」，但其實環境更近一間室內大排檔 今晚食咗西蘭花炒鮮魷、蠔仔粥、海鮮豆腐羹食物算係大碟抵食，上菜速度又快西蘭花炒鮮魷有鑊氣，豆腐羹濃稠宜中又足料，呢兩款都幾好食 但蠔仔粥就令人失望，蠔仔唔夠肥同多汁，數量亦唔多 米粒無煲出潮州粥應有嘅口感，而且調味太鹹 今餐有伏有唔伏，整體一般

今日去咗泉記食一個午餐，噉見到個餐牌好多選擇，最後揀左五香肉丁炒飯由於我哋午餐時間去，好多人，都要等一段時間先嚟到啲飯。點知啲飯來到之後，啲飯都唔係即刻炒嘅，唔夠熱，啲味道尚算可以。另外叫咗杯熱朱古力，熱朱古力又唔夠奶，價錢要42元

柴灣泉記四圍都係，今日特登去到漁灣村去打個邊爐啦，$110任食Wor，抵到PK，又無限時! 不得了!去到漁灣村，門口已經掛住左好多Banner，講泉記有任飲任食邊爐，所以我地就上去二樓熟食中心喇。去到呢，成層既人都差唔多打緊邊爐，我地2個人，有最後一張台，真係好好彩。呀姐問我左我地食咩湯底之後，就拎左個石油氣爐同Hotpot黎點火，好有風味。呀姐仲拎左碟海鮮比我地添，有蝦、蜆，正。跟住我地就出去拎野食喇。泉記野食類型好多。首先有唔同既肉類，有肥牛、鮮牛肉、雞肉等等。海鮮方面有蝦、唔同既蜆。仲有魚、由魚、墨魚仔。急凍野食有唔同既丸、腸仔。炸野方面有響鈴、生根、魚皮。蔬菜有生菜、油麥菜、白菜等等。菇類有鮮冬菇、秀珍菇、金菇、雞比菇。麵方面有河粉、生麵、粉絲等等。最特別係佢有枝裝維他奶任飲，好正。亦都有Beer放題任飲，好爽。總絡，依個無限時邊爐真係好抵食，雖然用料唔係話好上乘，但一定會好飽好飽咁走~

話說同朋友去咗漁灣村試下泉記打邊爐，一來平啦$110，二來可以坐到23:00。 咁就出發去食。星期五晚上，唔係太多人，但好似街市咁好嘈。我地叫豬骨加芫萎湯，但只係黎咗豬骨湯。同埋送碟蝦同蠔，兩樣都唔新鮮。自助吧有各式食物，丸類，肉類，魚類，海產都有，但全部都係下價野。肉類好似滑牛同雞等都係冇咩味，肥牛好厚身，咬唔開...需然係任食任飲，但係我$110，我寧願去阿活食算啦。現場的食物質素真的好差劣，純粹飲野吹水係好的，冷氣好夠，但相信小菜會比火鍋更好。

抵食推介依間午市炒小菜超抵食😍一個套餐有齊小菜，例湯，白飯都係幾十蚊叫咗個薑蔥爆雞件 $52個汁好好味，送飯好正同埋椒鹽魚雲 $56炸得好香口呢個價錢仲要包埋一個白飯同一個例湯雖然環境係類似大排檔咁樣但係啲小菜真係好好食仲要係幾十蚊

泉記喺呢度打邊爐可以講係價錢好平，最啱一大班朋友一齊吹下水食下野。$100就可以食到打邊爐，又有肉又有海鮮，有時佢啲海鮮都好新鮮㗎，食物又多選擇，雖然呢間餐廳位於一個熟悉市場入面，可能環境就唔係咁好囉。$100係講緊任飲任食喎，又有啤酒飲又有汽水飲，呢個價錢係出邊已經好難搵㗎啦。講食物質素，食物又唔會唔新鮮，又多選擇，菜都有好多種，郁都有好多選擇。假如你係學生哥，又想同朋友聚會又唔想洗咁多錢真係可以考慮吓去泉記！

泉記一直係一大班人一齊打邊爐嘅好選擇，學生只係$100咋，不限時食幾耐都得！🌟環境喺漁灣街市二樓熟食中心，環境算乾淨，全年冷氣開放！🌟食物選擇唔少，主要係常見嘅丸類，菜，肥牛等。牛雪到好硬，不過呢個價錢要求唔可以太高，都有肉味就算啦！另一亮點係海鮮，每枱會送一碟海鮮，有蠔，蟶子，蝦同蜆。呢一碟較新鮮，鮮甜🤣自助亦有海鮮拎，有細隻嘅蜆，蟶子，青口，魚等。但品質冇送嗰碟咁好，間中有沙。如果多人可能要搶海鮮😂有好多玻璃樽裝汽水，好有打邊爐風味❤️另外有jolly shandy同啤酒以前仲有幾款雪糕，不過冇左了😢有埋就perfect

人生入柴灣既次數可能一隻手數得晒，咁岩今次黎到，男朋友就帶我周圍行下啦。唔知點解印象中既柴灣好似無咩野食，又真係唔覺街上有咩好特別既野食好想試。男朋友跟住就帶我黎漁灣街市既熟食中心睇下哈哈。泉記好似好出名極平邊爐，好多枱都係打邊爐。講真，我就唔係好夠膽食啦，唯有食下d小菜咁啦。嗌咗部電視黎撈飯。【片頭雞軟骨雙拼】咁既雙拼都幾好笑，但係佢又幾香口好食！岩岩炸起，熱辣辣，片頭幾彈有魚味，唔錯。雞軟骨大大粒咁，惹味可口。【海蝦荷葉蒸飯（炒底）】呢個蒸飯係幾驚喜！d蝦雖然細細隻，但數量都唔少，而且幾鮮味，炒飯炒到粒粒分明唔會碎晒，好味！成個飯食落係會一碗接一碗，呢個價錢，掂！美中不足既係無荷葉既香氣，裝飾下嫁啫。總結，係咁頹既街市食到呢個價錢呢個質素算唔錯啦，有時黎下咁街坊既小店都係一種好有趣既體驗！

今日推介柴灣泉記金喜來自助火鍋，價錢是成人110元 一位、星期五六加十元，打边炉的食材很多，一般出面有的它都齊全、還有石班件，蜆壳類、間中也會出一些蟹或瀬尿蝦、倉鱼，但通常呢類一出就會被人搶空、而每枱會配給一些桶蚝及大蝦'飲品種類有汽水，啤酒、麥精、蒸餾水等等，服務方面由於經常人多，很多呀姐都比較繁忙，但態度方面還是友善的，座位是一般大排檔的擺設，但若果有一群群學生來光顧就會比較嘈吵，而時間是不限的，可以由6点坐到11 点也沒問題。

都差不多一年多沒有來了。本來諗住去青年廣場，諗住咁耐無食，究竟是退步，還是有進步呢？🤔🤔🤔海鮮款式少了很多，可能因為人流問題啦，比起以前，真係超級小人。110蚊一位，如果唔食海鮮，其實都算抵嫁，因為任飲任食不限時。相比起連鎖式快餐廳，飲埋野飲，起碼都要約160蚊兩個。所以睇你點睇喇，如果都食得飲得，都唔錯選擇。不過如果有要求的話，就諗諗喇。每枱送是日海鮮一份，（聖子，生蠔，蝦）今天任攞海鮮有象拔蚌仔，貴妃蚌，蜆，蟹仔等.....大部分貝殼類都很多（是尼sa喇），不要期望很新鮮😂😂😂而曾餸一碟的海鮮都油麻地🤐🤐🤐所以我大部分都係食其它食品多，海鮮一咬成口（sasa滾），所以都唔敢攞了😨😨😨睇嚟真係要有點改進同創新，才可繼續吸納更多人氣。

$90一位, 仲想點吖, 食物飲品款色多, 雖然不是什麽靚貨, 但仍有一定水準, 還有一碟蠔及蝦送, 環境可以接受, 好多人去食, 冷氣夠凍, 無需等位, 即刻有位, 抵食啦, 值得推介