醉藥雞 (啟志樓) (已結業)

【荃湾区】【醉药鸡】约咗一位未来老细食饭，讲开呢餐饭都认真难约，大家都系忙友。屋漏兼逢连夜雨，我仲要唔知醒搅到迟到，真系丑。但系我哋一见到面就会讲唔停，大家喺呢个香港里面，都好难揾到有人识欣赏生活之美，梗系把握住啦。呢间佢介绍嘅，就梗系佢发办，叫咗个 $128 嘅「砂锅鸡汤翅」，首先系个鸡汤又浓又香，非常好饮。啲鸡份量够晒足，绝对对得住个价钱。而啲翅我就平时好少食，唔太识欣赏，仲有少少金华火腿粒，成件事做得几好。之后叫咗个 $68 嘅「砂锅胡椒猪肚鸡米线」，系好似新加坡式肉骨茶嘅胡椒猪肚，整得都唔错，当然期间我哋又狂吹新加坡经，佢被我导咗入坑，笑死。总体嚟讲呢碗都系佢食得多，而佢都话呢碗嘢几好，大家口味都相近。跟住系佢大力推荐嘅「醉鹌鹑蛋」，$36 一碟都唔平，不过又真系腌到入晒味，会搅到人忍唔住狂啪鹌鹑蛋，劲邪恶。饮品我饮 $8 嘅「豆浆」，佢饮 $9 嘅「芬达」，餐饭夹埋 $239，食呢啲嘢嚟讲，我觉得系唔贵，可以再战。。。（地址：荃湾路德围8号启志楼地舖）#1amfoodie #foodie #hkfoodie #thatfoodiething #hkfood #food #in