影片
更多
2024-11-20
0 浏览
【荃湾——自制二郎系】香港有得食二郎系拉面嘅地方唔多，但小编近排发现荃湾Aeon 新开嘅Food Court 入面有间拉面店 @katoramenhk ，可以试下自制二郎系拉面。原因系佢除咗一啲基本款，仲采用车仔面嘅方式，客人可以拎张纸选择自己钟意嘅汤底、面同配料，选项超过三十款，丰俭由人，总有一款啱你心水。如果想悭钱，亦可以选择$38嘅酱油拉面，当然就只有基本配料（葱，但大概都可以睇得出呢间拉面店系主打价格亲民嘅路线。自选拉面 （＋猪骨汤＋自家制粗面＋蒜蓉＋葱花山＋芽菜山＋溏心蛋＋鸡叉烧）呢个就系小编自制嘅二郎系拉面，大致要有嘅嘢都有。尤其是芽菜山，份量非常之够，口感爽脆，菜青味有少少但唔算强。不过我只能讲佢系低配版二郎系拉面。因为佢嘅猪骨汤真系唔多掂，口感偏薄，骨香同油香都欠缺，连一般拉面店嘅猪骨汤都好过佢，所以同二郎系拉面𠮶种有背脂嘅猪骨汤真系大相迳庭。好彩，佢有蒜蓉可以加，而且份量唔少，弥补返佢个猪骨汤唔够浓郁嘅特点，亦都有返二郎系嘅影子。其他配料例如溏心蛋、鸡叉烧都唔错。鸡叉烧其实就系横切嘅鸡卷，肉质偏软唔干，味道带甜同炙香。最后讲下个粗面，食落口感偏淋，唔够弹牙，身为粗面控
香港有得食二郎系拉面嘅地方唔多，但小编近排发现荃湾Aeon 新开嘅Food Court 入面有间拉面店 @katoramenhk ，可以试下自制二郎系拉面。原因系佢除咗一啲基本款，仲采用车仔面嘅方式，客人可以拎张纸选择自己钟意嘅汤底、面同配料，选项超过三十款，丰俭由人，总有一款啱你心水。如果想悭钱，亦可以选择$38嘅酱油拉面，当然就只有基本配料（葱，但大概都可以睇得出呢间拉面店系主打价格亲民嘅路线。
自选拉面 （＋猪骨汤＋自家制粗面＋蒜蓉＋葱花山＋芽菜山＋溏心蛋＋鸡叉烧）
呢个就系小编自制嘅二郎系拉面，大致要有嘅嘢都有。尤其是芽菜山，份量非常之够，口感爽脆，菜青味有少少但唔算强。不过我只能讲佢系低配版二郎系拉面。因为佢嘅猪骨汤真系唔多掂，口感偏薄，骨香同油香都欠缺，连一般拉面店嘅猪骨汤都好过佢，所以同二郎系拉面𠮶种有背脂嘅猪骨汤真系大相迳庭。好彩，佢有蒜蓉可以加，而且份量唔少，弥补返佢个猪骨汤唔够浓郁嘅特点，亦都有返二郎系嘅影子。其他配料例如溏心蛋、鸡叉烧都唔错。鸡叉烧其实就系横切嘅鸡卷，肉质偏软唔干，味道带甜同炙香。最后讲下个粗面，食落口感偏淋，唔够弹牙，身为粗面控嘅小编有啲失望。
味道：7.8/10
自选拉面 （＋咖哩汤＋自家制拉面＋葱花山＋辣肉酱＋猪叉烧＋大根）
必须赞一赞咖哩汤几有惊喜，够浓够惹味，微微辣味唔会太咸。如果观众想试咖哩汤就唔建议好似小编咁加配辣肉酱，辣肉酱有少少似你乍酱但唔会有豆瓣酱味，而系辣味噌咁嘅味。若果咖哩汤加辣肉酱就有机会咸得滞。至于猪叉烧同大根都唔错，大根清甜冇渣；猪叉烧偏薄，唔系一般拉面叉烧，而系片状，但口感面ok，唔会干。
味道：7.9/10
上面两碗大概$8x-9x。
老实讲，佢嘅味道唔算好突出，胜在选择多，丰俭由人，平起来可以几平几抵。住附近久唔久嚟食下都唔错，但特登嚟食就未必喇。
抵食：8/10
服务：7.7/10
环境：7.4/10
ka-to卡当拉面 (荃湾)
荃湾大河道88号湾景广场购物中心地下20号舖
#hk #hongkong #hkig #hkfoodie #hkfood #hkeat #香港美食 #食评 #香港食评 #香港生活 #荃湾 #荃湾美食 #拉面 #ramen #noodle #日本 #ラーメン倶楽部 #ramen #ラーメン #ラーメン部 #tsuenwan #tsuenwanfood #豚骨 #とんこつラーメン #ラーメン二郎 #ジロリアン #醤油 #二郎系 #curry #咖哩
张贴
