漁樂場

营业中

休息中

今次嚟到位于荃湾嘅渔乐场，餐厅以马戏团装潢为主题，场内灯光璀璨闪烁，五光十色，充满活力嘅感觉。餐厅环境舒适宽敞，而且有驻埸歌手现场表演，可以一边享受美食一边听live Music ，气氛一流，适合同朋友们聚会嘅好地方。老坛酸菜鱼酸菜鱼嘅汤汁浓香够热，酸辣可口，麻中带辣，鱼片嘅口感滑溜，大件厚身，份量丰富；配料莲藕、宽粉、莴笋、大豆芽同酸菜汤汁融合，味道酸酸辣辣，口感丰富。趣脆牛肉粒牛肉粒烧至焦香内嫩，牛肉味浓，保留住丰富嘅肉汁，好Juicy，咬落爽口，另外配上酥炸嘅脆片一齐食，香脆可口。烧大大茄子烧茄子外皮焦脆，内裹多汁，口感软嫩，葱花同蒜蓉味渗入喺茄子之中，蒜香味浓郁，好惹味。五花腩五花腩串烧烧至金黄色，肉质爽口，保持住丰富嘅肉汁，好惹味，五花腩肉肥瘦相间，食落带有油脂香。超级水果茶超级水果茶，材料丰富，有百香果、西瓜、菠萝、柠檬同埋哈蜜瓜等。茶味甘香微涩，配上咁多种新鲜水果，清爽解渴，中和油腻感。蔗汁银菊啤中西合璧嘅啤酒，啤酒经过三重澄酿工序酿造，之后加入本地品牌公利甘蔗，入口清新细腻，容易入口，散发出银菊花同埋菊花幽香，味道清甜，口感清爽，仲可以下火清热气，系名副其实嘅鬼佬凉茶。