黑布小巷

营业中

休息中

📍#黑布小巷 (荔枝角)荔枝角长沙湾道883号亿利工业中心4楼405室▪️▪️▪️▪️▪️▪️▪️▪️▪️▪️▪️▪️▪️▪️今日嚟到荔枝角我最爱嘅台式小店之一，最钟意就系呢度嘅吐司同埋便当🍱✨#麻辣鬼椒鸡腿芝士蛋吐司每次嚟都必定嗌呢款吐司，最钟意佢嘅秘制酱汁，加上麻辣鬼椒口味！够晒辣之余，亦有芝士同蛋中和到个辣味，加埋半熟流心蛋，超级好食！而佢选用嘅鸡腿亦系慢烤嫩滑鸡腿，入口好滑，唔会干柴。✨#红烧台式牛肉面自家熬制香浓红烧牛肉汤，有大大旧牛肋条，配自家炒惹味酸菜，牛肉口感好软腍，面质软硬适中，份量啱啱好。另外牛肉面仲配有特选虾米辣椒油，如果有需要可以额外向店员拎～ 落完辣椒油更加惹味😋✨#芝士火腿蛋饼蛋饼用咗传统台式做法，香煎蛋饼煎得好香，入面仲夹住咗拉丝嘅芝士同火腿，加上自家配制酱汁，好味，下次想试埋佢嘅肉松配搭。✨#花枝丸配麻辣鬼椒粉小食方面，我哋叫咗经典嘅花枝丸，花枝丸上枱嘅时候热辣辣，配上麻辣粉，非常惹味。✨#黑布台式香肠食台式嘢一定唔少得台式香肠，台式香肠油香味十足，仲有两条添，配埋牛肉面食都非常好食！✨#冬瓜茶冬瓜茶都系我最钟意嘅台式饮品之一，甜度适中，非常解渴。▪️▪️▪️▪️▪️▪️▪️▪️▪️▪️▪️▪️▪️▪️