林記燒臘 (青衣商場)

营业中

休息中

【葵青区】【林记烧腊】上次写完一个青衣商场嘅 post，即刻有一位被人叫做小仙女嘅女网友走嚟同我讨论呢间餐厅。大家都好清楚我作为一名小毒毒，成世人都系被啲靓女「一路带动生活」，有时系搞到迷失咗自我，都唔知自己做呢啲嘢系为乜。好彩喺我身边依然有女同事，佢之前「闹得我好啱」，提醒咗我写嘢出 post 本乃消闲娱乐，抒发吓心中嘅胸臆，如果因为咁而影响咗自己嘅情绪同日常生活，咁就未免有啲本末倒置。真系令我有如醍醐灌顶、茅塞顿开呀。唔好咁夸住，讲返餐饭先，背景其实同之前𠮶次相若，都系一条友去青衣睇波，顺便食埋嘢咁样。行唔同嘅路往返系令我更加熟悉到附近嘅地形，虽然都明知呢度系葵青区唔会点变，但系有时赶住去睇波都想可以悭啲时间。今次食商场门口嘅呢间餐厅嘅特惠下午茶，佢有「烧味粉面餐」真系啱晒我，嚟得烧腊餐厅梗系想试吓佢啲烧腊。我叫咗双拼嘅「烧肉」、「烧鸭」配「米粉」，味道上只属正常，唔算系好特别嘅烧味，平平凡凡嘅一餐嚟。餐饮我饮「热奶茶」，可能因为佢隔离间金源个奶茶太啱我饮，呢杯就显得有啲相形见绌。不过又咁讲，烧味双拼面有嘢饮嘅下午茶，都系 $39 就走到，又真系冇咩可以再挑剔。咁嘅价钱，食到平庸而