林記燒臘 (青衣商場)

营业中

休息中

食咗佢嘅乾炒牛河同埋飲咗杯凍奶茶個乾炒牛河係凍嘅，冇乜味道冇鑊氣超難食，食咗兩啖就唔想再食奶茶方面，杯奶茶啱啱送到嚟已經淡到好似啲冰溶晒落杯奶茶度咁成餐飯都食到好嬲，食咗兩啖就冇食走人

📍 林記燒臘 (青衣商場) (青衣)青衣楓樹窩路10號青衣商場地下S4號舖==============================今日要去青衣開工，經過呢間餐廳禁岩有位就同朋友入去食個早餐🍳🥪==============================食物⭐️⭐️⭐️⭐️1️⃣燒汁豬扒米粉配火腿奄列蛋⭐️⭐️⭐️⭐️豬扒好大塊，唔鞋口但燒汁味濃左d~米粉正常👌🏻火眼奄列都包住好多火腿，蛋都煎得好滑，只係油左dd 🤣2️⃣火腿通粉配煎雙蛋⭐️⭐️⭐️⭐️火腿份量算多，湯底正常有味，煎雙蛋都有少少燶邊同埋蛋黃係流心，早餐來講算唔錯👍🏻兩個餐都係配熱檸茶，茶底調較得好香濃但唔苦，檸檬都夠新鮮，飲完即刻醒神哂😎😎

【葵青區】【林記燒臘】上次寫完一個青衣商場嘅 post，即刻有一位被人叫做小仙女嘅女網友走嚟同我討論呢間餐廳。大家都好清楚我作為一名小毒毒，成世人都係被啲靚女「一路帶動生活」，有時係搞到迷失咗自我，都唔知自己做呢啲嘢係為乜。好彩喺我身邊依然有女同事，佢之前「鬧得我好啱」，提醒咗我寫嘢出 post 本乃消閒娛樂，抒發吓心中嘅胸臆，如果因為咁而影響咗自己嘅情緒同日常生活，咁就未免有啲本末倒置。真係令我有如醍醐灌頂、茅塞頓開呀。唔好咁誇住，講返餐飯先，背景其實同之前嗰次相若，都係一條友去青衣睇波，順便食埋嘢咁樣。行唔同嘅路往返係令我更加熟悉到附近嘅地形，雖然都明知呢度係葵青區唔會點變，但係有時趕住去睇波都想可以慳啲時間。今次食商場門口嘅呢間餐廳嘅特惠下午茶，佢有「燒味粉麵餐」真係啱晒我，嚟得燒臘餐廳梗係想試吓佢啲燒臘。我叫咗雙拼嘅「燒肉」、「燒鴨」配「米粉」，味道上只屬正常，唔算係好特別嘅燒味，平平凡凡嘅一餐嚟。餐飲我飲「熱奶茶」，可能因為佢隔離間金源個奶茶太啱我飲，呢杯就顯得有啲相形見絀。不過又咁講，燒味雙拼麵有嘢飲嘅下午茶，都係 $39 就走到，又真係冇咩可以再挑剔。咁嘅價錢，食到平庸而

今日做貼地Foodie，去咗青衣商場食茶記即刻叫返個常餐先，有唔同配搭同麵款▶️ 火腿奄列叉燒湯意粉 ($39)有冇人同我一樣鍾意食湯意粉🙈個湯底幾清，有啲濃湯寶味🐷叉燒唔少，厚切大嚿，瘦肉比例較肥肉多，食落唔太韌，不過始終比唔上蜜汁叉燒咁香😬只係少少甜甜地意粉整得太淋🙁好彩未去到一夾就斷火腿奄列樣貌欠佳，味道尚可，奄列偏油🍳▶️ 紫菜四寶 ($45)仲貴過個常餐，不過足料嘅入面有一堆紫菜、白魚蛋、魚皮餃、生菜等味道正正常常-屋企人叫咗星洲炒米話難食 (隔籬枱都有叫，見佢食淨唔少)🫢我個常餐都冇出面連鎖茶餐廳好食服務差 👎🏻落單完全冇人理你，明明唔多人，仲要全程黑面環境感覺少許污糟，坐外面位吸咗唔少二手煙🤏🏻性價比一般，平均$40一個餐，份量冇一般茶餐廳咁大，只係啱啱好夠一個人食青衣本身都冇乜嘢食，大家都係去返青衣城附近好啲

杯飲品又有問題，食個麵又比少野，我朋友一齊叫野食，他果份食物又冇落單等左半個鐘先（問左兩次我地食咩），樓面最後答覆因為搵唔到廚師吾關我事，嘈到最後经理先親自處理

買左一盒淨牛雜$120! 牛雜檔嘅阿姐出來收錢同找錢，然後入返去牛雜檔旁邊有桶水，佢就用嗰啲水洗下隻手，然後有另外一個客人叫左一碟油菜，佢居然用返哩桶水洗菜, 冇見到這個情況好驚,但係我見果位客人冇反應我就冇特別出聲，跟住佢有用快污糟布抹枱，我心諗你用返呢對手切牛雜咪好大鑊，真係! 我立即叫停佢，佢居然又攞快布去同一桶水到洗，我問佢同一桶水洗手洗菜洗布都系同一桶水好唔衛生喎! 佢知衰，當時佢切緊牛雜，我問佢點解你唔帶手套,佢話老細嫌貴冇提供手套俾佢,跟住佢知衰重新做過一份俾我! 其實我見到哩個場面我呢一世都唔會再食! 這間鋪頭連同隔離燒臘檔衛生情況，應該喺同一個老闆, 簡直差到不得了! 如果下次經過見到哩個情況我一定會打去食環署投訴!如果老細見到麻煩跟進一下店內衛生極度差! 因為想食牛雜而屋企附近有冇得賣，真係唔會再幫襯!! 現在疫情這麼嚴重應該好好檢討下!

都算係成日黎嘅街坊，平時通常食早餐。今次晏左黎叫左個沙薑雞飯。個飯一黎，望左好耐，一路問自己係咪上一手食剩嘅？成碟飯除左雞翼尖係完整，無一舊係有肉，基本上成碟野得頸同骨。勉強食左幾啖飯，但d飯好爛痴埋一舊，成個飯盛惠$39。好難想像點樣連飯都整得唔好，好采仲有2條菜zip底，如果唔係應該成碟食唔落。總結食個叉飯好過。同一個位置有3間同類茶餐廳，過隔離食金x好好多，呢到食到一肚氣，千其唔好黎呢間食。

外勤到青衣，搞完一輪攰到懞，都係搵個地方坐低兼醫下肚先。青衣邨，唔知係咪唔識行呢~ 見到都係得連鎖食店，最終都係揀林記。 聞到濃濃的牛雜香味~~~ 好一於食碗麵醫下個肚先啦~ 睇到餐牌係潮式粉麪粉牛雜的種類選擇比較多。就揀牛肺啦~  如果當天好肚餓既朋友就可能要食多碗先夠啦~~因為份量就只能講適中，但河粉唔會過淋，食入口順滑。牛肺唔會過鹹，仍然維持住當中既爽口。唔會炆到霉曬或者鹹到苦。辣椒油都香，辣味刺激。 當天都見到不少熟客點碟頭飯，睇來下次再外勤既時候可以試下碟頭飯啦~ 職員都細心會俾杯水飲。

系青衣附近做完野，大概3點左右，去左呢間不知所謂嘅茶記食飯！一入到去，大叫「伙記」6次兼舉埋手，都無人黎落單，點解？因為個老細同啲伙記大大聲講野，口水橫飛，莫視顧客、影響衛生！三催四請終於叫到個老細落單，甘午餐（$38）同下午茶（$33）都有乾炒牛河，我就問老細：乾炒牛河 午餐同下午茶嘅份量係咪都一樣？佢就話：一樣嫁，無分別！以後問清問楚就okay啦，點知人地碟牛河就大碟，我點牛河就細碟得可憐！如果份量係有分別嘅，你未講囉！甘大個人、仲要係老細都要 講 大 話！真係不知所謂！都算⋯⋯伙記拎碟牛河黎時，一邊行就一邊講野，啲口水飛晒落去！佢放低碟牛河時，我就問佢攞辣椒醬，佢就好似耳聾甘，掂行掂過 當你無到！碟牛河食落去真係難食到不得了！每一啖都只有漂白水味，諗起都覺得好嘔心！河粉不單止過「林」，而且一啲有少少豉油味、一啲連色都無🤬 35蚊細細碟粉，得兩塊牛肉👎🏻👎🏻👎🏻

之前食過此店叉燒雞脾飯，飯硬叉燒硬，雞脾熟到似煲完湯既湯渣。從此不再光顧。今日同場幾間都無肉餅，只有林記有，仲大把位，老闆又在門口拉客。見佢擴張新裝修，心軟入坐，後悔不已。我兩大一小（穿校服幼稚園生）叫三份餐，老公先埋單去搞停車場優惠，我坐著食埋我碟飯，見到海報話學生優惠8折。問返落單嗰位阿姐，細路碟飯應該係八折，落單兼收銀阿姐超惡、超大聲講六七次話已收錢（收原價），無得改，叫我下次自己要出聲。我拿手機想影低食物照片，另一侍應阿姐，立刻將我枱上所有食物收走，大佬啊我未食完㗎。收錢阿姐大聲又惡，想打人咁款，嚇到我細路喊左出來，唔怪得新店開張，日日拍烏蠅。

住咗係附近幾年，由入伙食過一次下午茶嘅星洲炒米難食到極點之後就冇再幫襯過，再加上感覺佢哋衛生真係好差再觸發咗冇意欲幫襯。直至近期見佢新開埋隔離間打冷就再嘗試食下啦，都光顧咗幾次，比我嘅感覺係以下:隔離打冷食物都一般，冇乜驚喜，但驚嚇事件就多啦，職員帶住手套插哂d手指落碗麵度，之後再用同一對手套收錢，衛生意識係奇差漏單情況超嚴重食物水準好唔平均，一時好有驚喜食到好好食嘅嘢，一時差到真係食到受難咁今日仲搞笑，原本去打冷度叫牛腩米返屋企食，點知個職員叫我等陣後完全無視我，咁算啦，過隔離叫啦，還掂2間鋪都可以叫同一樣嘅食物，過到隔離見到個燒味餐牌又好吸引我喎，之後我都即時改叫叉燒燒鴨米，我問佢拎酸梅醬，佢要我比$1，其實錢真係問題唔大，但問題係佢話因爲我要米粉所以先要比$1，如果叫飯先唔駛比錢有酸梅醬，呢下我真係諗極都諗唔明，酸梅醬我用嚟點燒鴨食㗎，唔係點米粉囉，唔通食燒味要用到酸梅醬嚟送飯返到屋企睇，原來米粉變咗做賴粉不過冇所謂啦，因為都冇希望，所以冇失望其實之前已經感覺佢衛生差所以唔食佢，經過幾次嘅經歷後，其實唔止衛生差，連職員態度同樣好有問題，所以今次係最後一次食佢

林記燒臘屋邨餐廳，沒有期望，卻很有驚喜。下午茶嘅時間，本來去咗大家樂，行過對面，茶餐廳下午茶幾抵食喎，同爸爸一齊去試吓先，尤其見到門口嘅燒臘發出光澤，好吸引呢！雙拼米粉， $34啲叉燒係梅頭，肥瘦適中，燒鴨就較瘦，但係整體都好味， $34有埋嘢飲，性價比太高啦。花生醬西多士， $24連埋飲品，四到時入邊最查咗一層花生醬，雖然好肥，想去加埋糖漿，呢個下午茶，絕對冇投訴。屋村茶餐廳，服務就唔會太好，但係價錢便宜，香港獨有嘅文化，當然要支持啦。

青衣邨的三間茶餐廳，毗鄰一起，往往最尾那間味道最好，而且餐牌又多選擇，很多時成為大家的首選。有天，大家都沒有什麼想法。結果，就挑選最便宜最就近門口的林記燒臘茶餐廳。林記燒臘茶餐廳在荃灣、青衣好像多了幾間舖頭。這間有三餸飯，亦都有炒物。一個星洲炒米，但是內容就偏小。雖然米粉的份量極多，我吃完細細碗之後，剩下落嚟的竟然也多得可以放滿整個發泡膠盒。但是配料就偏少，無論叉燒、蝦粒、定還是韭菜等等，都覺得配料很少，但是米粉就多，很難可以送得完整碟炒米粉。反而梅菜扣肉，份量就更加多，梅菜不太見到有實體，但是汁醬都足以撈完整碟飯。扣肉亦都不算是大大件肥膏那一種，有肥有瘦，上面的皮及肥肉位置都不會太過油膩，質素算是茶餐廳之中已經不錯。蔥油雞扒撈麵，只有一塊雞扒，煎香，然後給你一碟點雞的薑蔥，沒有什麼其他演醬，就只有一包出前一丁的調味醬料。鴛鴦走，咖啡味蓋過了奶茶味，煉奶味道不算太過濃，味道還好。

睇完醫生落去食過飯，但又唔想食燒味太熱氣。叫左菠蘿海鮮炒飯，啲飯同菠蘿係熟之外，啲嘢都唔係太熟，味道一般，可能下次食返燒味好啲啦！老公叫嗰個茄汁吉烈豬都尚可，無我嗰個咁差下次會揀返最岀名既燒味飯！

間中都會嚟呢間林記食吓野。個名有燒臘兩個字，梗有燒臘檔喇。座位都OK嘅。都好多嘢食喎。呢度d早午晚餐我都食過，今次集中講吓d午市套餐。呢日我揀左馬來貴刁跟杯檸水。呢碟貴刁好多料，包括义燒，洋葱，蝦，紅椒 ，蛋碎，火煺、葱同埋芽菜。好夠鑊氣，係即炒，唔係炒定一大鑊再攞出嚟。因為近廚房，連炒貴刁d鑊聲都聽倒。呢碟野色香味都合乎水準，我like日日食炒野就唔太健康，呢度好多時都有個蒸餸配飯，好有住家feel 而且健康d，呢日我揀左炸菜蒸滑鷄配飯重有個例湯送添。呢碟炸菜蒸滑鷄都幾好食，名附其實，d鷄都幾滑，配埋炸菜雲耳，同我娘親蒸嘅有得fight喎，送飯一流呢個西洋菜㷛豬骨湯都幾夠料，配埋南北杏同紅蘿蔔添，真材實料，有湯重有料食，唔係有d食店d例湯見湯唔見料清寡寡喎。餸飯湯加埋都係38蚊，簡直係超…………………………值呢度d侍應阿姐，大部份都有少少鄉音，似似地譚仔嗰d喎，唔知係咪來自同一鄉下，個個都好落力同好招呼，老細請倒你地真係有福囉