嚐瀛台日料理

营业中

休息中

【观塘区】【尝瀛台日料理】好耐冇行过蓝田嘅汇景商场，我记得对上一次嚟都系为咗食吓呢边啲餐厅，搞好「十八区 Foodie」呢个牌头。不过我而家已经唔再以「十八区 Foodie」自居，只系挂羊头卖狗肉咁样仲系将啲餐厅按照政府十八区行政架构去划分咁解，所以蓝田都系观塘区。见到呢个位好似好熟口面，依稀记得我好似食过呢间，但系已经唔记得系咪同一间。唔理啦，就走入去食吓。见到佢哋下午茶餐 $33 嘅「香厚吐司」几吸引就叫一件「金莎朱古力」味嘅嚟食吓，个样就真系唔多讨好，成块炭咁，食落亦都系一般，冇乜特别。个餐包嘢饮，饮细杯嘅冻「胚芽珍珠」，质素好普通。加 $18 食一人份嘅甜品「芋你周全」，有芋头、芋圆、红豆、仙草，正常水准。补 $10 食只「卤水蛋」都认真麻麻，埋单 $61 中规中矩咁。落咗单先发现几个朋友喺附近，顺便一齐食，系几有趣嘅。。。（地址：蓝田汇景道8号汇景广场5楼822号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodi