我要烤魚

营业中

休息中

二姑妈最钟意食鱼，今次同佢嚟到铜锣湾，就试吓呢间评分好高嘅「我要烤鱼」。「我要烤鱼」坐落百乐中心，成幢楼都有唔少餐厅，要突围而出，当然系有两度扳手！餐厅推介我哋试吓佢哋嘅「酸辣金汤酸菜烤鱼」有少少酸又唔会太辣，啱晒我呢啲唔食得太酸，同唔食得太辣嘅二姑妈（呢两条友好麻烦🤣）佢一共有两款鱼可以选择，分别系「鲈鱼」、「清江鱼」，二姑妈拣左「清江鱼」，贪佢啖啖肉同埋嫩口少骨！随锅附送6种配菜：大豆芽、豆卜、莲藕片、娃娃菜、莴笋片、金菇，店主提我哋唔使再另外加配菜先，反而可以试吓佢哋嘅招牌「啫啫系列」，听咗佢哋推荐，我就加咗「啫啫墨鱼滑入烤鱼」。加埋配菜既烤鱼，非常好大锅，两个人食一定够饱，「啫啫墨鱼滑入烤鱼」上到枱已经可以即刻食，经过厨房爆炒，啲味已经索晒入味，好快已经啪哂🤣见隔篱枱食串烧咁滋味，即刻叫返几串 — 孜然蒜蓉豆皮串、泰式猪颈肉、甜蜜烧菠萝🍍必试泰式猪颈肉，佢哋会跟一个佢哋得奖嘅泰式酱汁😋 最后以牛油蜜糖多士同桂花蜜四川冰粉，用作为一个ending的确系一个唔错嘅选择！嚟得呢度难免饮返两杯，但系酒量差差地嘅我哋，叫咗杯威士忌梳打，呢度啲师傅都愿意同我哋调较酒量👍最值得欣赏喺呢