影片
更多
2024-04-15
112 浏览
早前留意到呢间居酒有一个性价比似乎几高嘅套餐，只需要$650／两人就可以享受到11品嘅套餐。加上餐厅本身每款食物同Cocktail都感觉好有创意，今次收工就约埋男朋友过嚟试呢个丰富套餐。———————————————🌟前菜前菜方面有3种刺身，分别有芥辣八爪鱼、炙烧北海道帆立贝同炙烧三文鱼，芥辣八爪鱼味道浓郁，帆立贝同三文鱼都算厚身，而且食落非常新鲜。🌟一品料理分别有唐扬炸豆腐同蜜糖柚子鸡翼，炸豆腐比想像中好食，炸得好香咬落去入面仲有少少汁，再配埋少少香葱非常正。蜜糖柚子鸡翼切开单骨，但份量其实都几多，面头除咗柚子同蜜糖外仲加有芝麻，食落都好香个皮炸得都啱啱好。🌟太卷太卷有两种味分别系寿喜烧牛肉同牛油果忌廉芝士，个人嚟讲我觉得后者更好食，牛油果蓉加忌廉芝士整埋一齐真系非常香，冇谂过同寿司饭亦都非常夹，上面再加有少少香葱碎，真心好食。至于寿喜烧牛肉，寿喜烧汁味道会浓郁啲导致牛味冇咁出，不过味道一样都唔错。🌟串烧串烧就一共有4款，先系紫苏鸡腿肉，鸡腿肉烧得好嫩仲好Juicy，紫苏香味同肉都夹得天衣无缝。明太子山药第一眼望落以为系蟹柳，食落非常有惊喜，又香又爽口，冇谂过竟然连山药都可以做成串烧
早前留意到呢间居酒有一个性价比似乎几高嘅套餐，只需要$650／两人就可以享受到11品嘅套餐。加上餐厅本身每款食物同Cocktail都感觉好有创意，今次收工就约埋男朋友过嚟试呢个丰富套餐。
———————————————
🌟前菜
前菜方面有3种刺身，分别有芥辣八爪鱼、炙烧北海道帆立贝同炙烧三文鱼，芥辣八爪鱼味道浓郁，帆立贝同三文鱼都算厚身，而且食落非常新鲜。
🌟一品料理
分别有唐扬炸豆腐同蜜糖柚子鸡翼，炸豆腐比想像中好食，炸得好香咬落去入面仲有少少汁，再配埋少少香葱非常正。蜜糖柚子鸡翼切开单骨，但份量其实都几多，面头除咗柚子同蜜糖外仲加有芝麻，食落都好香个皮炸得都啱啱好。
🌟太卷
太卷有两种味分别系寿喜烧牛肉同牛油果忌廉芝士，个人嚟讲我觉得后者更好食，牛油果蓉加忌廉芝士整埋一齐真系非常香，冇谂过同寿司饭亦都非常夹，上面再加有少少香葱碎，真心好食。至于寿喜烧牛肉，寿喜烧汁味道会浓郁啲导致牛味冇咁出，不过味道一样都唔错。
🌟串烧
串烧就一共有4款，先系紫苏鸡腿肉，鸡腿肉烧得好嫩仲好Juicy，紫苏香味同肉都夹得天衣无缝。明太子山药第一眼望落以为系蟹柳，食落非常有惊喜，又香又爽口，冇谂过竟然连山药都可以做成串烧。金菇肥牛卷味道都唔错，烧汁调味ok加上有芝麻都好香口。另外仲有款溏心蛋豚肉卷一样系好特别嘅串烧，豚肉超大件，烧过后非常白亦都唔会太肥腻，入面只溏心蛋 更加系冇得顶，个流心程度整得非常好仲要调味都好出色。
🌟主食
主食我哋选择咗寿喜烧牛脊肉炒乌冬，牛脊肉真系好好食，好嫩同时牛味非常浓郁，个乌冬底配上寿喜烧都好好食，乌冬熟成度啱啱好。
🌟甜品
最后有乌龙茶牛奶布甸作为甜品，呢个布甸真系十分推荐，先系口感方面非常绵滑，味道方面更系冇得顶，甜度适中食落系奶茶味但果种茶香更浓郁，如果可以真系好想加多个。
🌟Karakusa Luck 唐草
底本身系Gin酒味，再加有green chartreuse ，饮落系种带香嘅淡甜味。不过呢款打卡真系一流，出场非常有仪式感，打开果种烟雾弥漫同埋果种大自然摆设就好似系竹林一样。
🌟Maple Hunter枫
呢款系用Peach Tea Infused Vodka做底，入面再加有柚子、柠檬、橙味调味，饮落酸酸甜甜，酒味都唔会太浓。
🔸整体评价🔸
整个套餐其实好丰富，性价比都唔错，Cocktail方面其实好有仪式感亦都好有主题，大家仲可以加$148/位任饮Soda Cocktail。环境本身其实都几Chill，好适合大家夜晚收工过嚟。
张贴
