影片
更多
2024-02-29
33 浏览
之前都有嚟过呢边食，有次行过见呢排转左第二间餐厅。第一下其实系比佢个甜品Menu吸引，好多款式而且仲好靓，加上其他菜式好似都唔错所以就上嚟试一试。———————————————🌟巴马火腿凯撒沙律 $88生菜好鲜甜，酱汁唔会落得太多，火腿份量都算多，特别值得一提系佢上面有啲细细粒嘅Bacon碎，咸香咸香之余又脆脆地。🌟吉列猪扒蛋包饭 $148我本人其实真系唔好猪扒，呢个系男朋友坚持叫，但真心连我都觉得好好食。吉列猪扒个吉列炸得超香脆，蛋包饭上面嘅蛋熟成度控制得好好，饭本身系已经用茄汁炒过都好香，上面仲有炸蒜做配料。除此以外餐厅仲特别安排左个调味料可以任添，包括有炸葱、大根、椰丝同提子干，可以根据个人口味选择。🌟寿喜烧牛肉乌冬 $118牛肉质素唔错，嫩得嚟牛肉都重。寿喜烧基本材料都有齐，包括金菇、京葱、冬菇、鸡蛋，乌冬够烟韧，汤底方面甜度调味都适中。🌟草莓物语芭菲 $116呢个芭菲真心好食又好睇，中间有牛奶软雪糕然后侧边就有唔少Custard Cream，除咗士多啤梨外个底仲有少少脆脆。Custard Cream真心好好味，好绵滑仲有浓浓嘅香草味。另外佢仲有附上酸酸甜甜嘅草莓酱可以根据个
之前都有嚟过呢边食，有次行过见呢排转左第二间餐厅。第一下其实系比佢个甜品Menu吸引，好多款式而且仲好靓，加上其他菜式好似都唔错所以就上嚟试一试。
———————————————
🌟巴马火腿凯撒沙律 $88
生菜好鲜甜，酱汁唔会落得太多，火腿份量都算多，特别值得一提系佢上面有啲细细粒嘅Bacon碎，咸香咸香之余又脆脆地。
🌟吉列猪扒蛋包饭 $148
我本人其实真系唔好猪扒，呢个系男朋友坚持叫，但真心连我都觉得好好食。吉列猪扒个吉列炸得超香脆，蛋包饭上面嘅蛋熟成度控制得好好，饭本身系已经用茄汁炒过都好香，上面仲有炸蒜做配料。除此以外餐厅仲特别安排左个调味料可以任添，包括有炸葱、大根、椰丝同提子干，可以根据个人口味选择。
🌟寿喜烧牛肉乌冬 $118
牛肉质素唔错，嫩得嚟牛肉都重。寿喜烧基本材料都有齐，包括金菇、京葱、冬菇、鸡蛋，乌冬够烟韧，汤底方面甜度调味都适中。
🌟草莓物语芭菲 $116
呢个芭菲真心好食又好睇，中间有牛奶软雪糕然后侧边就有唔少Custard Cream，除咗士多啤梨外个底仲有少少脆脆。Custard Cream真心好好味，好绵滑仲有浓浓嘅香草味。另外佢仲有附上酸酸甜甜嘅草莓酱可以根据个人喜好加落去，味道都相当唔错！
🌟冰拿铁咖啡 (跟甜品加$28)
咖啡比例唔错，价钱跟甜品set都几抵！
🔸整体评价🔸
整体食物都好食，我应该会为咗佢个甜品menu再回头😆
张贴
