影片
更多
2023-07-29
25 浏览
香港铁皮烧一直都几高质，好似去到大埔一间小店试试。木制大门完全见唔到入面嘅环境，入到去有种日式味道，但抬头又见鱼缸养住金鱼，又几地道。💡 入门八道菜厨师发办套餐 $688💡烟三文鱼沙律前菜沙律卖相系烟三文鱼活于泡泡之中，泡泡其实系沙律酱，唔少铁板烧都钟意以泡代酱，保留味道但又唔洗有酱嘅腻感。💡蟹籽乳酪巴马火腿配菠萝呢个组合完全系我想像唔到，食落口感丰富，火腿包住乳酪，Creamy嘅口感好特别，火腿一路咬一路慢慢有一种咸香味。蟹籽一粒粒嘅质感，再加酱油渍味都几有趣。仲有菠萝同菠萝酱喺底，味道清甜，又多一个层次。💡鲷鱼带子刺身配鱼子酱鲷鱼新鲜，肉质嫩滑。带子真系大大粒，搭配上鱼子酱嘅微腥同咸香，味道更升华，好过俾鱼生豉油盖过食物原味。💡铁板海鲜两品黑松露牛油扇贝 x 南非孔雀鲍鱼 & 蛏子皇 X 生烧鳗鱼扇贝本身味道唔重，用黑松露牛油整，令香气同味道都更升一个层次。 孔雀鲍鱼肉质较软腍，味道较浓郁搭配蒜味就更有鲜味。蛏子皇配韮菜花炒，一硬一弹牙嘅口感。 生烧鳗鱼好香好浓，冇骨又有口感，点上旁边嘅柚子泡泡，清新又提鲜，又唔会腻。💡宫崎厚切黑豚肉外层烧得焦香，内里都保留咗肉汁。份量对女仔嚟讲都
💡 入门八道菜厨师发办套餐 $688
💡烟三文鱼沙律
前菜沙律卖相系烟三文鱼活于泡泡之中，泡泡其实系沙律酱，唔少铁板烧都钟意以泡代酱，保留味道但又唔洗有酱嘅腻感。
💡蟹籽乳酪巴马火腿配菠萝
呢个组合完全系我想像唔到，食落口感丰富，火腿包住乳酪，Creamy嘅口感好特别，火腿一路咬一路慢慢有一种咸香味。蟹籽一粒粒嘅质感，再加酱油渍味都几有趣。仲有菠萝同菠萝酱喺底，味道清甜，又多一个层次。
💡鲷鱼带子刺身配鱼子酱
鲷鱼新鲜，肉质嫩滑。带子真系大大粒，搭配上鱼子酱嘅微腥同咸香，味道更升华，好过俾鱼生豉油盖过食物原味。
💡铁板海鲜两品
黑松露牛油扇贝 x 南非孔雀鲍鱼 & 蛏子皇 X 生烧鳗鱼
扇贝本身味道唔重，用黑松露牛油整，令香气同味道都更升一个层次。 孔雀鲍鱼肉质较软腍，味道较浓郁搭配蒜味就更有鲜味。蛏子皇配韮菜花炒，一硬一弹牙嘅口感。 生烧鳗鱼好香好浓，冇骨又有口感，点上旁边嘅柚子泡泡，清新又提鲜，又唔会腻。
💡宫崎厚切黑豚肉
外层烧得焦香，内里都保留咗肉汁。份量对女仔嚟讲都几多，唔怕唔够饱，仲有自家制嘅菠萝酱，酸甜味化解咗肉类厚重嘅感觉。
💡澳洲牛柳
刚刚好嘅5成熟，牛柳冇咩筋位，食落肉质好腍又有肉味。个人最爱系配wasabi，唔系平时食寿司好呛个只，减少咗辣味，提升咗肉嘅甜味，但又唔会盖过牛味。蒜片炸得香脆，同牛肉一齐食，重口味啲但好好食！
💡红豆吉士班戟
班戟松软又香，但唔会一口面粉好济嘅感觉。十胜红豆大大粒，配上吉士酱，作为结尾非常完美。
💡Red House
食铁板烧点少得饮返杯，Red House都几顺口，但唔好睇少佢，比一般啤酒嘅酒精浓度高㗎~
张贴
