影片
更多
2023-04-26
635 浏览
身为居酒屋，呢间好光猛，唔似平时好暗嘅居酒屋，净系食晚餐都几舒服。如果主力想饮酒，灯光咁劲又好似冇咩feel。环境好阔落，都算坐得几舒服，用手机落单都算方便。💡芥末八爪鱼 $68生八爪鱼都几新鲜，芥末调味比较重，我都一度觉得有少少攻鼻，但都算唔错。作为前菜都真系好开胃，不过有部份都用沙律菜充到望落多一啲咁。💡香蒜牛柳粒 $68虽然牛肉份量比较少，视觉上因为有啲切得差唔多大细嘅菇干扰，但又真系腌得够入味，同肉质都好腍，确实系唔错嘅。😝💡烟肉荔枝卷 $38睇到呢个组合就想试试，出面系充满油香嘅烟肉，咬落荔枝肉渗出果汁，甜咸之间又几夹！💡汁烧大鱿鱼 $82味道算系唔错，都唔会好似橡皮，不过都系份量问题……「大」鱿鱼就真系唔算大了，虽然我明烧完会缩水，但都真系比想像中细。💡黑松露炒乌冬 $58见到唔少食评推荐，本来都唔想拣但决定试一试，一只碟仔咁多，黑松露味好香。果然有惊喜😍，乌冬有够味，黑松露带起晒，乌冬又唔会太腻。💡京葱牛舌饭 $52冇影到相，因为上枱时有少少太惊吓。牛舌切到短过手指尾，薄薄一片，原来冇写厚切牛舌真系可以好薄呀......本身个碗都唔大，又唔算多牛舌，叫得呢个都系因为想饱肚
💡芥末八爪鱼 $68
生八爪鱼都几新鲜，芥末调味比较重，我都一度觉得有少少攻鼻，但都算唔错。作为前菜都真系好开胃，不过有部份都用沙律菜充到望落多一啲咁。
💡香蒜牛柳粒 $68
虽然牛肉份量比较少，视觉上因为有啲切得差唔多大细嘅菇干扰，但又真系腌得够入味，同肉质都好腍，确实系唔错嘅。😝
💡烟肉荔枝卷 $38
睇到呢个组合就想试试，出面系充满油香嘅烟肉，咬落荔枝肉渗出果汁，甜咸之间又几夹！
💡汁烧大鱿鱼 $82
味道算系唔错，都唔会好似橡皮，不过都系份量问题……「大」鱿鱼就真系唔算大了，虽然我明烧完会缩水，但都真系比想像中细。
💡黑松露炒乌冬 $58
见到唔少食评推荐，本来都唔想拣但决定试一试，一只碟仔咁多，黑松露味好香。果然有惊喜😍，乌冬有够味，黑松露带起晒，乌冬又唔会太腻。
💡京葱牛舌饭 $52
冇影到相，因为上枱时有少少太惊吓。牛舌切到短过手指尾，薄薄一片，原来冇写厚切牛舌真系可以好薄呀......本身个碗都唔大，又唔算多牛舌，叫得呢个都系因为想饱肚少少，点知个碗好多沙律菜填位。呢个真心有少少失望。
💡芝士蟹肉玉子烧 $78
玉子烧78蚊都算几奢侈，不过都真系大大件呀～食落蟹味唔太出，不过我本身对玉子烧又麻麻地，所以食咗少少就冇食。🍳
💡荔枝烧酌 $48
饮落有少少失望，可能太多冰，味道有啲淡。荔枝味系失踪人口，唔系好觉，好在烧酒底唔算太辣饮。
食得串烧都知份量少价钱高，毕竟要一串串咁烧都要心机，但连其他菜式都成日见到用沙律菜填位系有少少失望……不过味道上系真心赞嘅，希望之后调整吓份量，等客人冇咁大落差。😭
张贴
