影片
更多
2018-01-22
505 浏览
原来, 上一次走过来 "大围 Sister" 已经系2年半前的事, 今日无无聊, 又再旧地重游. 因为SY很爱打边炉, 平日大家乐一人锅又吃到厌, 所以今晚就转转韩式火锅. 我问店员:「总司令大酱锅够唔够三个人食架?」, 店员:「计我话6个人食都够...」(原来真系好大大大个架) 店员:「要唔要试我哋新出 任食"阿根廷野生赤虾刺身"每只$3.8....」(吓? 任叫? 咁平? 叫20只都得?) 店员:「你食到嘅话叫几多都得」阿太:「哗! 咁真系抵㖞, 仲平过街市买啰」(店员: 其他分店无架, 只系我哋有) 好鲜味, 好弹牙的甜虾, 皮肤敏感的我也忍不住吃了两只, 晚上回家再吃敏感药也值得.~ 坚抵!! 情人节特饮 $58 (买一送一), SY好高兴的手持天鹅说:「送埋两只鸭仔畀我哋㖞, 真系好㖞...」(系天鹅唔系鸭仔㖞) 阿太:「好彩我哋订枱𠮶时叫埋...买一送一㖞, E两天鹅畀我衬杯缘子影相就一流啦」 酱腌莞岛鲍鱼(3只) $119 与 珍宝生蚝 $48 一样是食到停不到口, 作为前菜, 今晚绝对幸福. SY:「鲍鱼好多汁呀!」, 我:「冰镇生蚝真系大过你块脸㖞, 又嫩又甜又滑,
因为SY很爱打边炉, 平日大家乐一人锅又吃到厌, 所以今晚就转转韩式火锅.
我问店员:「总司令大酱锅够唔够三个人食架?」, 店员:「计我话6个人食都够...」(原来真系好大大大个架)
店员:「要唔要试我哋新出 任食"阿根廷野生赤虾刺身"每只$3.8....」(吓? 任叫? 咁平? 叫20只都得?)
店员:「你食到嘅话叫几多都得」阿太:「哗! 咁真系抵㖞, 仲平过街市买啰」(店员: 其他分店无架, 只系我哋有)
好鲜味, 好弹牙的甜虾, 皮肤敏感的我也忍不住吃了两只, 晚上回家再吃敏感药也值得.~ 坚抵!!
情人节特饮 $58 (买一送一), SY好高兴的手持天鹅说:「送埋两只鸭仔畀我哋㖞, 真系好㖞...」(系天鹅唔系鸭仔㖞)
阿太:「好彩我哋订枱𠮶时叫埋...买一送一㖞, E两天鹅畀我衬杯缘子影相就一流啦」
酱腌莞岛鲍鱼(3只) $119 与 珍宝生蚝 $48 一样是食到停不到口, 作为前菜, 今晚绝对幸福.
SY:「鲍鱼好多汁呀!」, 我:「冰镇生蚝真系大过你块脸㖞, 又嫩又甜又滑, 如果无咁冻就正到不得之大了」
酱油虾X5 $188 阿太:「酱油虾够晒惹味㖞」, 我:「早知就系叫阿根廷赤虾就得啦, 抵咁多....(阿太:车...样样都试吓吖麻...咁鬼孤寒)」
终于来到我们的主菜, 韩式打边炉, 铜锣般巨型的边炉, 真的不说得笑.
阿太:「$188 有咁多料真系好抵㖞, 其实我哋叫埋猪仔佢哋嚟食呀!」
我:「真系6个人都够晒食啦, 你睇D肉, 牛, 猪, 鸡多到...」, 阿太:「 唔系吉野家咁得3块仔嘅」
我:「猪肉好食过牛㖞...我就最钟意食年糕, 第时都要打边炉食年糕先得...正到庳」
SY:「韩国午餐肉真系好食D㖞, 好够腍, 好好味, 好似吞食兽咁, 一吞就吞入口Lu」(吞食兽?? 食嘢都挂住PokemonGo??)
阿太:「真系好多嘢食, 超饱...」, 我:「无限时就慢慢食啰...等我Call埋阿强落嚟食先」
Sister Korea Café
地址: 沙田大围新翠邨新翠商场地下17,18&18A铺
电话: 2596 0018
张贴
