影片
更多
2023-03-25
212 浏览
难得放假同朋友食饭，想食d特别d，揾咗一间大家都未试过嘅国家菜～黎巴嫩菜🇱🇧位置系东涌世茂喜来登酒店，系东涌站旁有shuttle bus去都好方便。入到餐厅完全系比个环境吸引住，置身系外地一样，成个装潢充满异国风情，打咗一阵卡先睇menu，由于未试过食黎巴嫩菜，经理同我地介绍，最后大部分都拣咗经理介绍嘅菜式试下～🧆Mix Hummus Platter $180由左至右：Hummus / Hummus Shamender / Hummus Beiruti / Truffle Hummus头盘当然要试下传统黎巴嫩菜「鹰嘴豆泥」，由鹰嘴豆制成，可加入不同调味制成不同口味鹰嘴豆泥。咩都想试吓心态就拣咗混合鹰嘴豆泥拼盘，我同朋友都一致认同黑松露口味最好食！🍉Feta Watermelon Salad $128依款沙律好特别，大部分系西瓜，加上蕃茄同车厘茄，一片红当当，清甜西瓜加酸蕃茄再一口咸味菲达芝士，口感好fresh🦐Shrimp Fatteh $158食完2个冷盘头盘叫咗个热盘头盘试下，极度推介一定要叫！上枱时见到都觉得几特别，色彩缤纷咁～入口果刻系冲击咗我！Yoghurt sauce 系超
🧆Mix Hummus Platter $180
由左至右：Hummus / Hummus Shamender / Hummus Beiruti / Truffle Hummus
头盘当然要试下传统黎巴嫩菜「鹰嘴豆泥」，由鹰嘴豆制成，可加入不同调味制成不同口味鹰嘴豆泥。咩都想试吓心态就拣咗混合鹰嘴豆泥拼盘，我同朋友都一致认同黑松露口味最好食！
🍉Feta Watermelon Salad $128
依款沙律好特别，大部分系西瓜，加上蕃茄同车厘茄，一片红当当，清甜西瓜加酸蕃茄再一口咸味菲达芝士，口感好fresh
🦐Shrimp Fatteh $158
食完2个冷盘头盘叫咗个热盘头盘试下，极度推介一定要叫！上枱时见到都觉得几特别，色彩缤纷咁～入口果刻系冲击咗我！Yoghurt sauce 系超好味，加上配料松子、红石榴、烤芝麻面包打造咸中带微酸味好开胃！大大只虾煎到爽 脆又香口，依个热盘令我对黎巴嫩菜加满分！
🐓Shish Tawook $198
用阿勒颇辣椒酱炭烤鸡肉串，鸡肉非常嫩滑，酱料层次丰富加上食落有微辣非常惹味，无论单食定夹烤饼都好滋味
🐟Samaka Harra $198
澳洲鱼块配搭特色蕃茄酱汁，鱼皮煎到金黄色脆脆，鱼肉嫩满，点上酸辣蕃茄酱又系好开胃，我发觉黎巴嫩菜好多都有蕃茄，食落健康又开胃～
🫐Blackcurrant & Mascarpone Cake $95
外型精致，味道系莓味蛋糕，酸酸甜甜，消滞一流
🍍Yakult Lemonade $88
多款益力多口味特饮，拣咗菠萝味，益力多+菠萝+柠檬特饮真系好好饮，又fresh又解渴
🥥Ain't Nuttin $88
椰奶+榛子味饮品，nut味浓郁再散发阵阵椰奶香，充满异国风情的特饮
Maison Du Mezze
📍地址：东涌怡东路9号香港东涌世茂喜来登酒店地下G10号舖
张贴
