影片
更多
2010-08-17
187 浏览
好多年前佢未大修之前黎过呢到食野，印象就冇乜啦，系近呢2年就听到佢名气大左，仲响open rice成为得奖热店，又有朋友仔大赞好食，不过上open rice望下D食评就好坏参半，又唔系咁好咋啵…好!见佢可以count 埋里数，就抱住即管试试'啲心态啦~Cobi爸亦好想试下Yamm，何况今次佢做东，梗系老细话事啦~Yamm 啲环境真系几好feel，深色啲装潢好modern，好有cyble feel，好适合啲yuppie响到hea几粒钟~半圆啲卡位望落好舒适，绝对适合情侣或三两知己，不过我地一行8人，所以同卡位冇缘~不过话哂都系星期日中午，点解入座率唔够一半? 有原因啲~坦白说，食物种类唔多，而且质素同味道方面唔见十分出色。先讲前菜沙律，有好多种款式，不过自己只系试左水牛芝士番茄沙律同少少green salad，水牛芝士同番茄可谓最佳拍档，再配上清新啲沙律菜，一清一浓，以两者配搭做出啲沙律，味道带酸而且清新，系一道唔错啲开胃菜。转攻我啲至爱Parma ham，食意大利菜经常叫啲Appetizers。可惜只系见到成碟火腿放响到，而唔系成只肶放响到即场切比你，有少少失望啰，因为D火腿片开之后放
Yamm 啲环境真系几好feel，深色啲装潢好modern，好有cyble feel，好适合啲yuppie响到hea几粒钟~半圆啲卡位望落好舒适，绝对适合情侣或三两知己，不过我地一行8人，所以同卡位冇缘~不过话哂都系星期日中午，点解入座率唔够一半? 有原因啲~坦白说，食物种类唔多，而且质素同味道方面唔见十分出色。
先讲前菜
沙律，有好多种款式，不过自己只系试左水牛芝士番茄沙律同少少green salad，水牛芝士同番茄可谓最佳拍档，再配上清新啲沙律菜，一清一浓，以两者配搭做出啲沙律，味道带酸而且清新，系一道唔错啲开胃菜。
转攻我啲至爱Parma ham，食意大利菜经常叫啲Appetizers。可惜只系见到成碟火腿放响到，而唔系成只肶放响到即场切比你，有少少失望啰，因为D火腿片开之后放响到唔食，好容易风干，咁就变得唔好食架啦。不过可能刚刚开始，D ham还算可以…火腿红润有光泽，肉质嫩、又无筋，脂肪如云石般分布，入口即融，再配合埋密瓜，同时间比一甜一咸啲味道攻击我啲味蕾，感觉好爽！Parma ham啲回味咸香，衬到个密瓜啲甜味好出，大大提高左个胃口，令我无法不爱。平时食意大利菜啲时候就顶多食2-3件，仲系细细碟咁，到喉唔到肺…今次食buffet就可以食足几碟，好鬼满足~
再黎冷盘，冷盘就选择唔多，只有淡水龙虾仔、冻虾、蓝青口、即切鱼生、寿司、烟三文鱼、cold cut，每样都有食少少啦~
淡水龙虾仔，真系好细只，又唔好肉，仲要费时间去壳，不过味道还算鲜味，不过收$288一个人食淡水龙虾仔…绝对唔扺啰，情愿花时间食冻虾好过，起码好肉好多。
冻虾，好新鲜，又够Size，又好肉，仲有羔添，入口鲜甜又爽口，不过食得多好易饱肚，食少少好啦~
蓝青口，青口好新鲜，又鲜甜，Size略为细左，不过可以一口一只，分别食左两公两乸，公啲肉质较为爽口，而乸啲味道较为香甜，绝对唔似香口胶啲口感，质素唔错~不过皮肤唔系咁好啲，就少食为妙啦~
三文鱼，好新鲜，又无筋，但唔算肥美，不过响决货啲情况下，有货总好过无货啲…
剑鱼腩，之前好少食剑鱼腩，因为今次啲选择唔多，所以就听下个厨师介绍试下啰，返埋位望真D至见到个鱼身有两点红，心谂…条鱼㓥得唔好，一入口就feel到有少少腥…食半件都严多，唔得呀！咁啲质素点可以响酒店出现，仲系要厨师介绍?个厨师炒得啦！
烟三文鱼，食green salad 果阵食左2片，未食都已经闻到有阵阵啲烟熏香味，入口仲加埋个咸香味，绝对ok~
寿司、cold cut冇食；生蚝，长脚脚…全部唔见影…
汤，例牌1中1西口味，洋葱汤同青红萝卜煲猪月展，Cobi爸试饮左个中汤，佢啲comment系「好浓郁啲例水」…
再黎热盘，睇落好行货，全部都系例牌菜，而且数量唔多，10只手指数得晒，令人失望，所以只系随便食左少少~
青咖喱，记忆中青咖喱很香辣，加埋个印度薄脆点个咖喱汁，OK~
串烧， 鸡、牛、猪每样各1串，肉啲质感OK，唔似比梳打粉「那」过，又唔「鞋」口，个沙爹汁都好香浓、好惹味。不过个厨师好似发梦咁，D青瓜要问先至比你…
照烧银雪鱼，鱼肉好滑好肥美，又冇overcook，个照烧汁都好浓郁好香，不过银雪鱼好高脂肪，唔可以食太多，如果唔系会食唔落其他野。
烧牛肉，肉质「鞋」口，又无牛味…唔得!
日式天妇罗唔错，只系order左虾同蕃薯，两者都系我每次食天妇罗啲首选，材质好新鲜、size又够、虾啲肉质又爽，蕃薯都好甜，炸到外脆内软，一D都唔油腻，色泽又金黄，粉酱调配得宜，D天妇罗汁加埋萝卜蓉，令本来热气啲天妇罗，入口顿见清甜，相当出色。
终于甜品出场，一个人如果钟意食甜品的话，几饱都会食得落架…哈哈哈~
Brownie朱古力味道非常浓烈，但口感相对比较硬身，可能唔系热食啲关系…如果能够热辣辣咁上枱…再加个雪糕响面…幻想中~~~
Chocolate Truffle，普普通通，冇入口溶化啲感觉。
黑森林，又系朱古力?冇法啦，系我啲至爱~蛋糕好松软，不过可能食左太多朱古力啲甜品关系，味觉已经有少许麻木，但依然品尝到有淡淡啲rum酒香味。
苹果肉桂批，批身比较薄，食唔到苹果啲juice感觉，不过D肉桂味好香，都系果句，如果系热食就好啦~
蓝莓芝士饼，唔知点解个甜品师傅要做到佢咁「白乃哂」，面层仲加左层糖浆，芝士本身已经好溜，加埋糖浆就超甜，个人比较喜欢有少少㶶面，可能蓝莓芝士饼平日太多时会食到，所以感觉非常普通。
雪糕系HD品牌，可惜味道选择少，只有云尼那、咖啡、士多啤梨，略为普通，不过都要食佢两杯! ^^
唔知系饱? 定系唔吸引，完全冇encore啲意欲。不过环境就非常唔错，可能入坐人数唔多，唔系太嘈，感觉好，环境比食物吸引好多，不过星期日啲中午，如果能够坐响有阳光到啲餐厅就更perfect。$300啲lunch耐唔耐食1次都算系一种享受，不过抵唔抵食就真系见仁见智啦…Yamm比唔到我encore啲意欲，反而Island 香格里拉我想再去啰~唔系好明点解佢会成为得奖热店…?
张贴
