雲壽司 (聯成商業中心)

营业中

休息中

喺铜锣湾办完事，一个人，午饭时间，上网见到呢间云寿司都好多好评，一于嚟个一人之境😂好彩12点半左右都未算太多人，唔洗等就可以入座。一排座位对住吧台，可以望到寿司师傅整寿司嘅过程。但座位系有少少逼嘅。 点咗自选寿司(10件)试吓，拣咗三文鱼、三文鱼腩、火炙三文鱼、蟹子军舰、油甘鱼、甜虾、赤虾、吞拿鱼、北寄贝。跟餐有沙律同面豉汤，味道正常。刺身都唔错，特别欣赏佢个火炙三文鱼寿司，入口即溶；蟹子军舰嘅蟹子都几新鲜，一咬落去成个口腔都系蟹子，正！🤣甜虾寿司同赤虾寿司都好肥美，又够甜。三文鱼寿司同三文鱼腩寿司就正常发挥，如果刺身厚身少少就更加好啦！😂 不过，美中不足嘅就系寿司饭就有少少干，可惜可惜🥲