船渦

营业中

休息中

冬天最啱食暖笠笠嘅蒸气火锅。八府巡按套餐 $328鲍鱼、蟹、虾、圣子皇、元贝、半只龙虾、贵妃蚌、白蚬、鲜鱼片、黄金蚌、三宝丸、时蔬拼盘我拣咗了安格斯牛肉、鸡腿肉，再拣配粥底。一嚟到，见到店员摆盘都好有心思，打卡最啱。枱面有张纸写清楚咩食材要蒸几耐，例如鲍鱼蒸五分钟。放咗食材上蒸气火锅，就可以自己较时间。店员都讲解咗点操作。我食肉兽就梗系食鸡肉牛肉先，鸡肉嫩滑，但牛肉稍硬，可能时间耐咗少少。海鲜咁丰富，我就唔逐一介绍啦。最好食系蟹、龙虾、圣子皇。蟹、龙虾都系新鲜、味道好好，鲜甜爽口，蟹仲更加甜。最紧要唔难剥，啱哂我呢种懒人。圣子皇肉质鲜嫩、爽甜、好咬口。白蚬都冇乜沙，虾就一般般，其余海鲜都好高质素。三宝丸、时蔬拼盘不过不失，比我想像中多嘢食，一次过食到唔同嘅丸、菜。最后其实都有啲饱，但海鲜粥底㖞，点都要试吓味道。粥底吸收哂所有食材嘅汁，本身店员落咗南瓜，再加上海鲜、鸡肉牛肉、蔬菜，真系超级丰富、多层次，斋食粥都够正。呢个午市套餐物有所值，劲肚饿就要食呢个餐，包你「饱肚」而归，好多𩠌，超级满足。