HAHA CHICKEN 하하치킨 (西九龍中心)

营业中

休息中

最近中意食炸鸡，两个星期内计埋今次，已经食左三次😅。不过今次呢间可能系foodcourt嘅原因，所以无咁韩Feel。辣芝士炸鸡(半份) $89男友中意食干身嘅炸鸡，所以首选系芝士味，但呢度居然有辣芝士粉味，紧系要试!! 😏半份有7大件，而且每件360度都沾满红色芝士味，外貎非常诱人🤤食落一d都唔辣、少少甜、芝士味几出，但又唔会好似巴马臣芝士粉咁臭。炸鸡炸到外层好脆，内里仲有少少肉汁，食落似鸡胸肉多过似鸡髀肉，油腻感唔重。我敢讲自己一个人食半份完全无难度🙊酥炸鱿鱼餐 $56拣左蒜味，唔算好蒜。炸鱿鱼好有鱿鱼味，可惜炸过龙，好硬😨。安东鸡饭呢个饭我地觉得好难食，同韩式安东鸡完全扯唔上关系。入口只有好强列嘅蒜味，每人试左少少就掉左。😣跟餐以优惠价$20细薯条粟米浓汤味就系平时成日见果款粟米浓汤薯波个味，无乜特别。下次都系食番自己中意嘅紫菜。