影片
更多
2016-05-05
662 浏览
最近想食云吞面之类，但商贸区又唔见有咩面档。最多只系茶记。所以突登上嚟揾。点知就见哩间。有五个得一个。谂住 ok，点知。。。。。早知睇清楚留言先去。我成六年无写食评，点知因为哩间，都要再写。希望大家谂清楚先抉择。入正题，去到熟食中心，揾咗一阵先见到间面档。问有无云吞，姐姐好快就话有，仲问系唔系要，要就即刻煮。顺手问有无冷气(附近几间都有冷气开放)，但面档姐姐话无，见有风扇，都 OK 啦。都未坐低，姐姐又再问系唔系要云吞面，我望咗幅墙上嘅菜单都唔见有价钱。谂住熟食中心唔会太夸张，兼且附近食肆都只系廿几三十。所以好快咁就话要牛什云吞河。坐低后谂住惊碗面唔饱，所以去同姐姐讲，问有无加底，姐姐话有，加十蚊。心谂加底都十蚊？！所以就问碗面几钱，姐姐指吓档口个牌，话双拼$58，加底就$68。我当堂打个突。但既然已叫，无计。不过阿姐见我话贵，就话会加少少河粉俾我。所以值得一赞！返到位先见，原来个细餐牌系有价钱的。所以无得怪人！终于碗面到啦。见大大碗，料都足。心谂 ok 啦。如果好食都唔叫贵。点知食第一口，我已经问同事佢𠮶碗系唔系甜㗎，因我都系第一次食甜嘅牛什。讲真，啲牛肚真系好入味，索哂啲汁，越食越
入正题，去到熟食中心，揾咗一阵先见到间面档。问有无云吞，姐姐好快就话有，仲问系唔系要，要就即刻煮。顺手问有无冷气(附近几间都有冷气开放)，但面档姐姐话无，见有风扇，都 OK 啦。都未坐低，姐姐又再问系唔系要云吞面，我望咗幅墙上嘅菜单都唔见有价钱。谂住熟食中心唔会太夸张，兼且附近食肆都只系廿几三十。所以好快咁就话要牛什云吞河。
坐低后谂住惊碗面唔饱，所以去同姐姐讲，问有无加底，姐姐话有，加十蚊。心谂加底都十蚊？！所以就问碗面几钱，姐姐指吓档口个牌，话双拼$58，加底就$68。我当堂打个突。但既然已叫，无计。不过阿姐见我话贵，就话会加少少河粉俾我。所以值得一赞！返到位先见，原来个细餐牌系有价钱的。所以无得怪人！
终于碗面到啦。见大大碗，料都足。心谂 ok 啦。如果好食都唔叫贵。点知食第一口，我已经问同事佢𠮶碗系唔系甜㗎，因我都系第一次食甜嘅牛什。
讲真，啲牛肚真系好入味，索哂啲汁，越食越甜。食到最后，真系食唔到，要加大量醋当双丸河咁食。。。。
总之大家如果钟意食甜就啱哂。唔系嘅话就要考虑清楚先抉择。
超甜牛什云吞河 (唔包饮品)
$58
143 浏览
0 赞好
0 留言
张贴
