影片
更多
2019-05-06
310 浏览
去屯门三圣食海鲜，本应系充满期待，可能就系因为太大期望，换来更大的失望。礼拜日同屋企人去「泰海鲜」食晚饭，点知中大伏，泊车就预咗一系泊街交低$320，一系就泊烂地，不过一个钟$40真系好过去抢，见到呢间餐厅有代客泊车，谂住应该会平过烂地，点知泊咗一个钟就$50，食完餐饭唔高兴之余仲要泊车钱都俾得唔顺，早知泊街益政府好过。海鲜自己买咗$1500，呢度埋单再加$1500，6个人食海鲜其实价钱系合理，但系质素真系用价钱反映出黎！非海鲜类别：第一味：烧汁猪扒，如果以一间普通大排档黎讲系合理。第二味：炸子鸡，系好食，皮脆肉嫩，不过系唯一一样我觉得好食嘅𩠌。第三味：生菜包，辣到我以为自己食紧辣椒。第四味：冬荫功，唔讲以为自己饮紧罗宋汤，色水已经好差，味道系甜多过酸辣。第五味：马拉盏炒通菜，呢份连辣味都冇。海鲜类别：第六味：蒜蓉粉丝蒸蛏子王，蒸得老食落韧，厨师们真系要去再培训。第七味：姜葱炒蟹，真系好老实讲，我未食过一碟冇味嘅炒蟹，佢系落芡落到炒蟹起咗层啫喱咁。第八味：芝士龙虾伊面，正如上述所讲，班厨师真系要去再培训，焗到龙虾肉到硬埋。第九味：蒸鱼，时间控制得好过其他，算系正常水准。总结，请我都唔会
海鲜自己买咗$1500，呢度埋单再加$1500，6个人食海鲜其实价钱系合理，但系质素真系用价钱反映出黎！
非海鲜类别：
第一味：烧汁猪扒，如果以一间普通大排档黎讲系合理。
第二味：炸子鸡，系好食，皮脆肉嫩，不过系唯一一样我觉得好食嘅𩠌。
第三味：生菜包，辣到我以为自己食紧辣椒。
第四味：冬荫功，唔讲以为自己饮紧罗宋汤，色水已经好差，味道系甜多过酸辣。
第五味：马拉盏炒通菜，呢份连辣味都冇。
海鲜类别：
第六味：蒜蓉粉丝蒸蛏子王，蒸得老食落韧，厨师们真系要去再培训。
第七味：姜葱炒蟹，真系好老实讲，我未食过一碟冇味嘅炒蟹，佢系落芡落到炒蟹起咗层啫喱咁。
第八味：芝士龙虾伊面，正如上述所讲，班厨师真系要去再培训，焗到龙虾肉到硬埋。
第九味：蒸鱼，时间控制得好过其他，算系正常水准。
总结，请我都唔会再食，完。
张贴
