影片
更多
2010-09-17
80 浏览
大约一星期前, 师傅约左师妹食晚饭, 而地点系喺天水围呢个乡下地方; 讲真呢个乡下地方真系冇咩野特别好食, 于是师傅又上黎呢度做下资料搜查, 无意间比师傅揾到呢间食店, 见好多人都话唔错, 加上又未试过, 喺师妹又唔反对嘅情况下就已呢间食店作为当晚嘅晚餐!去到食店大约晚上八点钟, 竟然非常多人喺度等位, 师傅照样攞张飞仔先, 心谂如果要等太耐就转场, 点知攞完飞望下又唔系等好多, 就索性行都唔行喺度等一阵, 结果唔使十五分钟就有枱! 入到食店分开户外同户内, 其实户外就即系坐商场, 户内系坐于餐厅里, 幸好师傅系坐喺户内, 否则师傅宁愿再等多几张!坐底后当然系睇下有咩想食, 师傅就鬼死咁肚饿, 见到每款食物都好鬼想食, 最后同师妹商量左一阵, 就得出以下嘅结果! 师傅先拣左个汤系意大利菜汤, 而师妹就拣左粟米忌廉汤, 仲有辣味鸡翼四只, 香辣肠四条, 牛油汉堡比萨同埋吞拿鱼辣汁意大利粉, 再每人加多十二蚊试下个饮品吧!落完单唔使等几耐就已经有得食, 第一道菜当然系汤啦, 意大利菜汤个卖相同餐牌里张相真系差好远, 感觉有如双睇前大家都会比张最正嘅相做招牌, 当见过真人后就会发觉唔系𠮶回事
去到食店大约晚上八点钟, 竟然非常多人喺度等位, 师傅照样攞张飞仔先, 心谂如果要等太耐就转场, 点知攞完飞望下又唔系等好多, 就索性行都唔行喺度等一阵, 结果唔使十五分钟就有枱! 入到食店分开户外同户内, 其实户外就即系坐商场, 户内系坐于餐厅里, 幸好师傅系坐喺户内, 否则师傅宁愿再等多几张!
坐底后当然系睇下有咩想食, 师傅就鬼死咁肚饿, 见到每款食物都好鬼想食, 最后同师妹商量左一阵, 就得出以下嘅结果! 师傅先拣左个汤系意大利菜汤, 而师妹就拣左粟米忌廉汤, 仲有辣味鸡翼四只, 香辣肠四条, 牛油汉堡比萨同埋吞拿鱼辣汁意大利粉, 再每人加多十二蚊试下个饮品吧!
落完单唔使等几耐就已经有得食, 第一道菜当然系汤啦, 意大利菜汤个卖相同餐牌里张相真系差好远, 感觉有如双睇前大家都会比张最正嘅相做招牌, 当见过真人后就会发觉唔系𠮶回事, 绝对有觉得比人揾笨, 所以师傅当下就绝对有被昆嘅感觉; 虽然样貌打左折扣, 但点都要试下, 入口发觉意大利菜汤嘅菜系腍都唔腍下, 入口系劲爽口, 连菜都煲得唔腍又似乎差左d, 而味道一般, 成个汤系绝对有惊喜, 惊喜程度系估唔到咁差! 至于粟米忌廉汤师傅亦有幸一试, 感觉都系普通, 但相比起菜汤就一定好好多!
辣味鸡翼香香脆脆, 仲辣辣地几惹味, 加上肉身松滑, 绝对唔韧, 整体真的不错; 香辣肠竟然伴左四条薯角, 香辣肠系铁板上, 呢个位师傅真系估佢唔到, 而肠仔真系几香口, 入口脆身不过略嫌多油, 而薯角就几干身, 成份香辣肠算过得去啦! 至于牛油汉堡比萨嘅汉堡香身, 薄饼就韧少少, 师傅就麻麻地; 最后系吞拿鱼辣汁意大利粉, 意大利粉本身够腍, 配上辣汁系绝对惹味, 可惜吞拿鱼都几腥, 影响左整体质素, 意粉好味过吞拿鱼多多声! 至于饮品吧系任饮, 有汽水, 咖啡, 浓茶等, 纵使食唔饱都可以饮饱!
总括黎讲食物质素一般, 环境光猛舒服, 服务态度合格, 而价钱就相宜, 食左咁多野都唔使百四,系几经济不过唔算抵食! 坦白讲咁嘅价钱去必胜客就一定唔得, 但相对地水准会高番唔少, 所以呢句话永远都啱听, 就系 “一分钱就一分货”! 笑脸比唔到但亦唔会喊, 不过再黎机会不大!
张贴
