新同樂魚翅酒家

营业中

休息中

今日去新同乐食lunch，首先一入到去，谂住叫个1人餐再散叫小食，我哋就问个服务员1人餐份量多唔多，个服务员竟然好串咁话lunch嘅份量梗系少啦，身为一间米芝莲嘅餐厅，服务态度咁样完全唔得。首先一开头黎左个汤，个汤同平时老火汤一样差唔多，冇话啲乜嘢特别差。跟住呢个点心荟萃，我觉得个烧卖系好食，另外仲有个虾饺同埋类似粉果嘅嘢，都算ok既。之后嚟咗个豚肉柳，呢个简直系难食，连茶餐厅质素都比唔上，佢系一嚿肥膏，侧边啲肉系完全咬唔到，味道又唔好食，好似用嚟煲汤嘅肉，唔系就感攞嚟食咁样，咬咗一啖咬唔到之后就冇食到。之后就黎咗个煲仔饭，煲仔饭嘅质素都可以，不过唔特别推荐，因为同普通酒楼质素差唔多，如果去一啲专食煲仔饭嘅餐厅食一定会好食过呢度。我哋仲叫咗两个小食，一个小笼包一个四季豆四季豆系好食嘅，味道ok又冇渣，但系个小笼包都系难食，佢个皮做到好厚，都系𠮶句，普通酒楼都好食过佢。整体而言，服务态度唔系咁好，另外呢间嘢嘅食物质素只系得2-3道菜系好食，2-3道菜正常，2-3道菜难食，但系一间米芝莲二星完全系接受唔到，我唔会再嚟帮衬。