大圍小館

营业中

休息中

星期五晚约左班老友去食饭，知道大围开左间中菜，又系大围地铁站隔离，虽然未食过，但有系大围住嘅老友话，𠮶间店好多人去饮茶食点心，时常都要排队，咁相信都应该都唔错，胆粗粗约埋一齐去试下。因为我自己收工收得迟，去到啲老友已经食紧啲前菜，佢哋话豉油王鱿鱼须好好食，不过...佢哋食晒啰。枱面上仲有啲海蜇、猪脚，海蜇就普普通通啦，但系猪脚真系几好味，值得一试。👍原来佢哋叫左好多嘢食，乳猪、叉烧即烧即食，正！豉油王炒面、薯仔牛柳粒、咕噜肉、粟米斑块、三杯鸡(加辣)、啫啫芥兰都有一定水准。👍👍不过，有几个𩠌真系值得推介:花蟹笼仔蒸饭，饭有蟹鲜味，而且饭软硬适中。干烧虾，非常野味，而且虾肉爽滑。黑松露炒什菇，完全估唔到，炒菇原来可以咁爽脆。炸鲜奶，真系无得顶！！超好食！！外面脆浆薄脆而不油，内𥚃软滑又有浓浓奶香，真系第一次食到咁好味嘅炸鲜奶！👍👍👍其实仲有好多嘢好想食，不过要等下次先可以再试，因为真系好饱！