稻香 (建生商場) (已結業)

同亲2老食饭通常都系酒楼，所以就拣左屋企附近嘅稻香，同朋友食就打边炉，同家人就梗系叫返小菜啦。睇返相先知我地嗌得咁癫狂🤣，叫左好多𩠌。沙姜鸡入味又嫩滑，送饭一流呀。啲菜好新鲜，配埋杂菇感觉好清新。沙姜猪脚麻麻哋，煮得唔太入味。猪脚上面仲有多毛，见到都唔开胃。大虾伊面，啲虾应该系雪藏嘅，冇乜鲜味。伊面亦都煮得好淡，好后悔无嗌芝士龙虾伊面。沙嗲金菇牛肉煲，沙嗲味浓，而且好多牛肉，份量好足。如果可以少啲芽菜多啲金菇或者粉丝就更加好啦。龙趸煮两味，炒菜玉瓜。鱼虽然用炒嘅方法，但系依然好滑。另一个方法味道浓啲，但系都唔错。好后悔嗌左呢2个甜品，好难食！